Standardet dhe kërkesat që ka vendi ynë në lidhje me çështjen e birësimit,

si :

1-Respektimi i të drejtave të fëmijëve, që janë kandidatë për birësim.

2-Respektimi i përkatësisë fetare, gjinore dhe racës.

3-Ata shtetas të huaj, të cilët nuk japin garanci morale, ligjore dhe që nuk garantojnë kushte sociale.

4- Ata që kanë qenë të penalizuar nga organet e drejtësisë të vendeve nga vijnë dhe vendeve të tjera ose që mund të vuajnë nga shëndeti.

Ciftet e huaja që kanë ndërmend të kryejnë këtë proces, fillimisht paraqiten në zyrat e birësimit të shtetit të tyre dhe i nënshtrohen një procedure korrekte dhe tepër të rreptë përsa i përket dhënies së informacionit. Pasi ky informacion, që përmbledh statusin e tyre shoqëror, social, ekonomik përpunohet nga zyra përkatëse e vendit, i paraqitet Komitetit Shqiptar të Birësimit. Ky i fundit, është organi më i lartë kolegjial dhe administrativ dhe i vetmi që vepron në fushën e birësimeve në vendin tonë. Në këtë organ kolegjial marrin pjesë disa ministri paralele, si: ajo e Drejtësisë, Shëndetësisë, Arsimit, Punës , Ministria e Brendshme etj.
Nëse dosja që është përgatitur për palët aplikuese përputhet, bordi në unanimitet e voton. Këto procedura janë të njëjta edhe për të huajt që paraqiten në komitet. U bëhet e ditur nga specialistët, rasti i fëmijës që duhet të birësojnë dhe vihen në dijeni për pasojat që rrjedhin nga ky birësim. Në rast se procedura që ndiqet është në përputhje me ligjin, i hapet rrugë kalimit të procedurës në Gjykatën e Rrethit të Tiranës, për të shpallur birësimin e fëmijës nga këta shtetas të huaj.