L I G J Nr.8438, DATE 28.12.1998

Në mbështetje të neneve 81, 83 pika 1 dhe 155 të Kushtetutës së Republikës të Shqipërisë, me propozimin e Këshillit të Ministrave,

KUVENDI
I REPUBLIKES SE SHQIPERISE

V E N D O S I :

KREU I

DISPOZITA TE PERGJITHSHME

NENI 1
OBJEKTIVI

Me këtë ligj rregullohën marrëdhëniet që lindin në fushën e tatimit mbi të ardhurat personale, tatimit mbi fitimin si dhe të tatimit të mbajtur në burim të të ardhurave.

NENI 2
PERKUFIZIME

Për qëllimet e këtij ligji, me termat e mëposhtëm kuptohët si vijon:
a) "Tatimpagues" është çdo person, fizik a juridik, që i nënshtrohet detyrimit tatimor sipas këtij ligji;

b) "Person" është çdo person fizik, jotregtar sipas Kodit Civil dhe që më poshtë do të quhet "individ"; çdo person fizik, tregtar, që më poshtë do të quhet "person fizik", si dhe çdo person juridik;
c) "Person juridik" është një shoqëri tregtare, e themeluar sipas ligjit nr. 7638, date 19.11.1992 "Për shoqëritë tregtarë", si dhe personat e tjerë juridikë, të themeluar sipas Kodit Civil, që ushtrojnë veprimtari fitimprurëse në territorin e Republikës së Shqipërisë, si dhe persona të tjerë juridikë të themeluar ose të njohur si të tillë më ligje të veçanta.
d) "Ortakëri" është çdo bashkim personash fizikë dhe juridikë, për të kryer një veprimtari të përkohshme, të përbashkët, më qëllim fitimi, që nuk krijohet si person juridik më vete, në format e parashikuara nga ligji nr. 7638, datë 19.11.1992 "Për shoqëritë tregtare", nga Kodi Civil apo nga ligje të veçanta.
dh) "Persona të lidhur" janë personat, veprimtaria e të cilëve,
sipas ligjit a në zbatim të një veprimi juridik a tregtar, kontrollohet nga një person tjetër a një person i tretë, ose që ushtrojnë veprimtari në përputhje më orientimet, kërkesat dhe vendimet e një personi tjetër a një personi të tretë. Persona të lidhur ndaj njëri-tjetrit, pa u kufizuar vetëm me ta, janë personat:
- bashkëshortët;
- personi juridik ose çdo person, që zotëron, në mënyrë të drejtpërdrejtë a të tërthortë, 50 për qind, ose më tepër, në vlerë ose në numër, të pjesëve ose të të drejtave të votimit në atë person juridik;
- dy ose më tepër persona juridikë, nëse një person i tretë zotëron, në mënyrë të drejtpërdrejtë a të tërthortë, 50 për qind, a më tepër, në vlerë ose në numër, të pjesëve ose të të drejtavë të votimit në secilin person juridik.
e) "Seli e përhershme" është selia e përcaktuar në aktin e themelimit të personit juridik , në përputhje më ligjin përkatës. Gjithashtu, në kuptim të këtij ligji, quhet seli e përhershme:
- selia e degës, filialit apo zyrës së përfaqësisë së personit juridik;
- vendi ku personi juridik kryen shërbimin apo tregton mallrat, sipas një kontratë apo marrëveshjeje të njohur nga legjislacioni shqiptar, pavarësisht nga selia e treguar në aktin e themelimit të saj.

NENI 3
RESIDENCA

Rezident në Republikën e Shqipërisë janë këta persona:
1) Individi, në rast se:
- ka një vendbanim të qëndrueshëm në territorin e Republikës së Shqipërisë, në kuptim të nenit 12 të Kodit Civil;
- është shtetas shqiptar dhë funksionar konsullor, diplomatik ose i ngjashëm i Republikës së Shqipërisë, jashtë territorit të saj.
2) Individi, që, në mënyrë të vazhdueshme ose me ndërprerje, qëndron në Republikën e Shqipërisë për më tepër se 183 ditë të një periudhe tatimore.
3) Personi juridik, që në kuptim të këtij ligji, ka selinë e vet të përhershme në Republikën e Shqipërisë.
4) Personi fizik, që, sipas legjislacionit tregtar, është regjistruar me këtë cilësi në regjistrin tregtar të gjykatës kompetente.

NENI 4
BURIMI I TE ARDHURAVE

Të ardhurat nga një burim në Republikën e Shqipërisë, pa u kufizuar vetëm në to, do të përfshijnë të ardhurat si vijon:
a) Të ardhurat nga marrëdhënia e punës së ushtruar në Republikën e Shqipërisë;
b) të ardhurat nga veprimtari kulturore apo sportive, si dhe nga veprimtari të tjera, personale në Republikën e Shqipërisë;
c) të ardhurat nga veprimtaria e zhvilluar nga një person jorezident, nëpërmjet një personi me seli të përhershme në Republikën e Shqipërisë;
d) të ardhurat nga kalimi i së drejtës së pronësisë mbi sendet e paluajtshme, që i përfiton një person me seli të përhershme në Republikën e Shqipërisë;
dh) të ardhurat nga pronësia mbi pasuritë e paluajtshme, aksesorët dhe frytet e tyre, si dhe të ardhurat nga të drejta të tjera, që rrjedhin nga pronësia mbi sendet e paluajtshme, në rast së këto sende ndodhen në territorin e Republikës së Shqipërisë;
e) të ardhurat nga kalimi i pronësisë mbi pasuritë e parashikuara në gërmën "dh" të këtij neni;
ë) të ardhurat nga dividentët e shpërndarë nga një person juridik, rezident;
f) të ardhurat nga pjesët e fitimit, të paguar nga një ortakëri rezidente;
g) të ardhurat nga interesat e paguar nga organet e qeverisjes qendrore apo vendore ose nga një rezident i Republikës së Shqipërisë, ose që paguhet nga një jorezident, nëpërmjet një personi që ka seli të përhershme në Republikën e Shqipërisë;
gj) të ardhurat nga e drejta e autorit dhe pronësia intelektuale, qiraja dhe enfiteoza;
h) të ardhurat e tjera, të përfituara nga një jorezident, nëpërmjet një personi me seli të përhershme në Republikën e Shqipërisë.

NENI 5
PERIUDHA TATIMORE

Periudha tatimorë fillon më 1 janar dhe përfundon më 31 dhjetor të çdo viti kalendarik.

KREU II
TATIMI MBI TE ARDHURAT PERSONALE

NENI 6

FUSHA E VEPRIMIT TE TATIMIT MBI TE ARDHURAT PERSONALE

Tatimi mbi të ardhurat personale, që më poshtë do të quhen "të ardhura", llogaritet mbi të ardhurat e individëve.

NENI 7
SHTRIRJA E DETYRIMIT

1. Individët rezidentë i nënshtrohen detyrimit për tatimin mbi të ardhurat personale gjatë periudhës tatimore, për të gjitha burimet e të ardhurave, sipas parashikimeve të këtij kreu.
2. Individët jorezidentë i nënshtrohen detyrimit për tatimin mbi të ardhurat personale gjatë periudhës tatimore, për burimet e të ardhurave, sipas parashikimeve të këtij kreu, të realizuara në territorin e Republikës së Shqipërisë.

NENI 8
E ARDHURA E TATUESHME

1.Për qëllime të tatimit mbi të ardhurat personale, merren si të ardhura të tatueshme:
a) pagat dhe shpërblimet e tjera, në lidhje me marrëdhëniet aktuale të punës; Përjashtohen të ardhurat nga pagat dhe shpërblimet për marrëdhëniet e punës të zyrtarëve të konsullatave, diplomatët, ose funksionarë të ngjashëm të vendeve të tjera, si dhe të organizatave ndërkombëtare, të cilët, gjatë kryerjes së funksioneve të tyre zyrtare në Republikën e Shqipërisë, në përputhje me konventat ose marrëveshjet ndërkombëtare të nënshkruara, ose të pranuara nga Republika e Shqipërisë apo Qeveria Shqiptare, kanë statusin e diplomatit. Nuk i nënshtrohen përjashtimeve të këtij paragrafi individët, shqiptarë apo të huaj, të cilët nuk gëzojnë statusin e diplomatit, të njohur nga konventat apo marrëveshjet ndërkombëtare për këtë qëllim;
b) të ardhurat që rrjedhin nga fitimi i ortakut apo i aksionerit në shoqërinë tregtare;
c) të ardhurat nga interesat bankarë apo ato të përfituara nga letrat me vlerë, me përjashtim të interesave të marra nga bonot e thesarit ose letra të tjera më vlerë të Qeverisë të emetuara para hyrjes në fuqi të këtij ligji;
ç) të ardhurat që rrjedhin nga e drejta e autorit dhe pronësia intelektuale;
d) të ardhurat nga enfiteoza, huaja dhë qiratë, më përjashtim të rasteve, kur të ardhurat janë realizuar nga zhvillimi i një veprimtarie tregtare, në kuptim të legjislacionit tregtar;
dh) të ardhurat nga kalimi i së drejtës së pronësisë mbi pasuritë e paluajtshme;
e) të ardhurat e individëve nga lojërat e fatit dhe kazinotë.

NENI 9
TARIFAT TATIMORE

1. Pagat dhë shpërblimet, në lidhje më marrëdhëniet e punës aktuale, do të tatohen sipas tarifavë të përshkruara në pasqyrën nr.1, e cila i bashkëlidhet këtij ligji.
2.Dividentët, të ardhurat që rrjedhin nga fitimi i ortakut, interesat, huatë, qiratë apo kontratat e tjera, të ngjashme me të, enfiteoza, të ardhurat nga e drejta e autorit apo pronësia intelektuale, si dhe të gjitha shpërblimet apo të ardhurat e tjera, që nuk janë parashikuar në paragrafin e parë të këtij neni, tatohen me 10 për qind.

3.Tatimi i llogaritur, në përputhje më paragrafin e parë dhe të dytë të këtij neni, pakësohet me tatimin e mbajtur në përputhje me nenin 33 dhe me shumat e parashikuara nga neni 37 i këtij ligji.

NENI 10
MBLEDHJA E TATIMIT

1.Çdo punëdhënës, që paguan një pagë a shpërblim të parashikuar në gërmën "a", të nenit 8 të këtij ligji, mban tatimin mbi të ardhurat personale, në përputhje më paragrafin e parë, të nenit 9 të këtij ligji, dhe e derdh tatimin e mbajtur në favor të organeve tatimore, jo më vonë se data 15 e muajit pasardhës të kryerjes së pagesës.
2.Të gjithë punëdhënësit mbajnë regjistrime të pagesave të specifikuara në germen "a", të nenit 8 të këtij ligji, sipas udhëzimeve të Ministrisë së Financave.

NENI 11
KALIMI I SE DREJTES SE PRONESISE MBI PASURITE E PALUAJTSHME

1.Kalimi i së drejtës së pronësisë mbi pasuritë e paluajtshme tatohet sipas pasqyrës nr. 2, e cila i bashkëlidhet këtij ligji.
2.Tatimi derdhet nga personi që kalon të drejtën e pronësisë mbi pasurinë e paluajtshme, para kryerjes së regjistrimit te sendet e mësipërme, në përputhje me aktet ligjore. Pasuria e paluajtshme nuk regjistrohet, pa provuar pagimin e detyrimit pranë zyrave të regjistrimit të pasurive së paluajtshme.
3.Zyrat e regjistrimit të pasurive të paluajtshme janë të detyruara që, brenda 10 ditëve, të derdhin tatimin e paguar sipas parashikimeve të këtij neni.

NENI 12
FITIMET NGA LOJTARET E FATIT E KAZINOTE

1.Çdo person, që përfiton një shumë nga lojërat e fatit dhe kazinotë, paguan një tatim, në masën 20 për qind të shumës së fituar. Ky tatim mbahet nga organizatori i lojës së fatit apo kazinos, i cili është i detyruar që, brenda 24 orëve, ta derdhë këtë shumë në favor të organeve tatimore.
2.Personi organizator i lojërave të fatit apo i kazinosë i lëshon fituesit një dokument, ku shënohet shuma e fituar, duke zbritur tatimin e mbajtur.

NENI 13
DETYRIMI PER TE PAGUAR

Çdo person që, gjatë periudhës tatimore, përfiton të ardhura, të cilat i nënshtrohen tatimit mbi të ardhurat personale, duhet t'i deklarojë këto të ardhura, sipas përcaktimeve të Ministrisë së Financavë. Këtij detyrimi nuk i nënshtrohen personat që përfitojnë të ardhura sipas paragrafit të parë të nenit 10 dhe nenit 33 të këtij ligji.

NENI 14
SHKELJET

Përbëjnë shkelje sipas kreut II të këtij ligji këto veprime a mosveprime:
a) Fshehja ndaj organeve tatimore e shumave të mbledhura dhe falsifikimi i informacionit për të ardhurat.
b) Mosdokumentimi i të ardhurave.
c) Mosmbajtja ose mosderdhja e tatimit mbi të ardhurat personale në buxhet.
ç) Mosparaqitja ose lëshimi me vonesë i deklaratës.
d) Mospagimi në afat i detyrimit tatimor.

NENI 15
DENIMET

Shkeljet e parashikuara në nenin 14 të këtij ligji, kur nuk përbëjnë vepër penale, formojnë kundërvajtje administrative dhe dënohen me gjobë si vijon:
a) Për rastet e shkronjës "a", "b" dhe "c", të nenit 14 të këtij ligji, personat përgjegjës, përveç detyrimit të pagimit në masën njëqind për qind të shumës fillestare të tatimit të fshehur, dënohen me gjobë sa pesëfishi i tatimit të së ardhurës personale të fshehur.
b) Për rastet që parashikohen në shkronjën"ç" të nenit 14 të këtij ligji, personat përgjegjës, përveç detyrimit të pagesës në masën njëqind për qind të shumës fillestare të tatimit, dënohen me pagesën e një gjobe sa dyfishi i detyrimit të tyre tatimor.
c) Për rastet që parashikohen në shkronjën "d" të nenit 14 të këtij ligji, personat përgjegjës dënohet me gjobë, në masën 0,5 për qind të shumës së detyrimit tatimor, të paderdhur, për çdo ditë vonesë.
Procedurat e ankimit dhe të ekzekutimit të masës administrative bëhen në përputhje me ligjin nr.7681, datë 4.3.1993 "Për administrimin e tatimeve e taksave në Republikën e Shqipërisë".

KREU III
TATIMI MBI FITIMIN
NENI 16
FUSHA E VEPRIMIT TE TATIMIT MBI FITIMIN


1.Tatimit mbi fitimin i nënshtrohen këta persona:
a) Personat juridikë dhe ortakëritë e parashikuara në shkronjat "c" dhe "d" të nenit 2 të këtij ligji.
b) Personat juridikë, ortakëritë apo bashkimet e tjera të personave të themeluara ose të organizuara në bazë të një ligji të huaj dhe që ushtrojnë veprimtari në territorin e Republikës së Shqipërisë.
c) Çdo person tjetër, pavarësisht nga forma juridike e regjistrimit apo e njohjes së tij, kur ky është subjekt i tatimit mbi vlerën e shtuar.
2.Tatimit mbi fitimin i nënshtrohen të gjithë personat fizikë, të regjistruar në TVSH dhe që nuk janë subjekte të tatimit mbi biznesin e vogël.

NENI 17
DETYRIMI PER TE PAGUAR

1.Tatimpaguesit rezidentë i nënshtrohen tatimit mbi fitimet e realizuara nga të gjitha burimet, brenda dhe jashte territorit të Republikës së Shqipërisë.
2.Tatimpaguesit jorezidentë i nënshtrohen tatimit mbi fitimet e realizuara nga të gjitha të ardhurat, me burim në Republikën e Shqipërisë.

NENI 18
PERJASHTIMET

Përjashtohen nga tatimi mbi fitimin:
a) organet e qeverisjes qendrore dhe vendore;
b) Banka e Shqipërisë;
c) personat juridikë që ushtrojnë vetëm veprimtari të karakterit fetar, humanitar, bamirës, shkencor apo edukativ, pasuria apo fitimi i të cilëve nuk përdoret për përfitimin e organizuesve apo anëtarëve të tyre;
ç) organizatat e punës apo dhomat e tregtisë, industrisë ose bujqësisë, pasuria apo fitimi i të cilave nuk përdoret për përfitimin e një individi apo të një anëtari të tyre;
d) organizatat ndërkombëtare, agjencitë e bashkëpunimit teknik dhe përfaqësitë e tyre, përjashtimi nga tatimet i të cilave parashikohet nga marrëveshje të veçanta;
dh) personat e parashikuar në marrëveshjet ndërkombëtare të ratifikuara nga Kuvendi.

NENI 19
FITIMI I TATUESHEM

Fitimi i tatueshëm për periudhën tatimore përcaktohet në bazë të bilancit dhe të anekseve të tij, që duhet të jenë në përputhje me ligjin nr.7661, datë 19.1.1993 "Për kontabilitetin", me dispozitat e këtij ligji, si dhe me aktet nënligjore të nxjerra nga Ministria e Financave për këtë qëllim.


NENI 20
SHPENZIME TE NJOHURA

Për përcaktimin e fitimit të tatueshëm në Republikën e Shqipërisë njihen si shpenzime ato që kryhen për qëllime fitimi, sigurimi dhe ruajtje të fitimit, në masën që këto shpenzime provohen dhe dokumentohen nga tatimpaguesi, si dhe kur janë objekt i kufizimeve të specifikuara nga ky ligj.

NENI 21
SHPENZIME TE PANJOHURA

1.Për efekt të përcaktimit të fitimit të tatueshëm, nuk njihen shpenzimet si vijon:
a) Kostoja e blerjes dhe e përmirësimit të tokës dhe të truallit;
b) kostoja e blerjes, përmirësimit, rinovimit dhë rikonstruksionit të aktiveve të veprimtarisë, të cilat amortizohen, në përputhje me nenin 22 të këtij ligji;
c) zmadhimi i kapitalit themeltar të shoqërisë ose i kontributit të së cilit person në ortakëri;
ç) vlera e shpërblimeve në natyrë;
d) kontributet vullnetare të pensioneve;
e) dividentët e deklaruar dhe ndarjet e fitimit për ortakët apo aksionerët e shoqërive tregtare, si dhe fitimet në rastet e ortakërisë;
ë) interesat e paguara, të cilat tejkalojnë interesin maksimal të kredisë së përcaktuar nga Banka e Shqipërisë;
f) gjobat, kamatë-vonesat dhe kushtet e tjera penale;
g) krijimi ose rritja e rezervave dhe e fondeve të tjera, speciale, përveç rasteve të parashikuara në ligj apo në akte nënligjore;
gj) tatimi mbi të ardhurat personale, akciza, tatimi mbi fitimin dhe tatimin mbi vlerën e shtuar, të zbritshëm;
h) shpenzimet e përfaqësimit;
i) shpenzimet e konsumit personal, të përcaktuara nga ministri i Financave;
j) shpenzime, të cilat tejkalojnë kufijtë e përcaktuar me ligj apo më akte nënligjore;
k) shpenzimet për dhuratat, pritje-përcjellje;
l) çdo shpenzim, masa e të cilit nuk vërtetohet me dokumente nga tatimpaguesi.
2. Në qoftë se gjatë periudhës tatimore, huaja dhe parapagimi tejkalon, mesatarisht, katër herë shumën e kapitalit themeltar, interesi i paguar për këtë masë nuk njihet si shpenzim i zbritshëm. Ky paragraf nuk zbatohet në rastin e bankave dhë të shoqërive të sigurimeve.
3.Në rastin e personave juridikë, që nuk janë themeluar sipas ligjit nr.7638, date 19.11.1992 "Për shoqëritë tregtare", paragrafi i dytë i këtij neni zbatohet në të njëjtën mënyrë, si edhe për subjektet e tjera të parashikuara në këtë nën.

NENI 22
AMORTIZIMI

1.Në përcaktimin e fitimit të tatueshëm, amortizimi për aktivet e veprimtarisë llogaritet nga:
a) pronari i aktiveve të veprimtarisë, në të gjithë rastet, përveç atyrë të përmendura në shkronjën "b" të këtij neni;
b) në rastet e aktiveve të dhëna me qira, me huapërdorje ose në një formë tjetër, të parashikuar me dispozita ligjore, nga personi që mbart riskun për humbjen apo shkatërrimin e aktivit.
2.Toka, trualli, veprat e artit, sendet antike, bizhuteritë, metalet dhe gurët e çmuar nuk amortizohen.
3.Kostot e blerjes ose ndërtimit, kostot e përmirësimit, rinovimit dhe rikonstruksionit të ndërtesave, të konstruksioneve dhe makinerive e pajisjeve me afat të gjatë shërbimi amortizohen veçmas, në mënyrë lineare, me 5 për qind.
4.Kostot e blerjes ose të ndërtimit dhe kostot e përmirësimit, të rinovimit dhe rikonstruksionit të aktiveve të patrupëzuara amortizohen veçmas, në mënyrë lineare, me 10 për qind.
5. Dy kategoritë e mëposhtme të aktiveve amortizohen, në bazë të një sistemi grupimi, me përqindje si vijon:
a) Kompjuterë, sisteme informacioni, produkte "software" dhe pajisje të ruajtjes së të dhënave me 25 për qind.
b) Të gjitha aktivet e tjera të veprimtarisë me 20 për qind.
c) Për aktivet e ndërmarrjeve shtetërore apo të shoqërive me kapital tërësisht shtetëror, që amortizohen sipas shkronjës "b" të paragrafit të pestë të këtij neni, norma e amortizimit për vitet 1999-2000 është 10 për qind.
6.Në çdo kategori, të përshkruar në paragrafin e pestë të këtij neni, përqindja e amortizimit, e specifikuar në këtë pikë, zbatohet mbi bazën e amortizimit të kategorisë përkatëse.
7.Baza e amortizimit të jetë vlera kontabël e kategorisë së regjistruar në bilancin e hapjes së periudhës tatimore:
a) duke i shtuar koston e blerjes apo të krijimit të aktivit dhe koston e përmirësimit, rinovimit dhë rikonstruksionit të aktiveve të kategorisë gjatë periudhës tatimore;
b) duke i zbritur çmimin e shitjes së aktiveve dhe kompensimet e marra për humbjen e aktiveve, për shkak të forcave të tjera madhore ose të shndërrimeve të tjera, të pavullnetshme gjatë periudhës tatimore. Në rastin kur baza e amortizimit është një shumë negative, kjo shumë i shtohet fitimit të tatueshëm dhe baza e amortizimit merret zero. Në rastin kur baza e amortizimit nuk kalon 5 000 lekë, e gjithë baza e amortizimit të jetë një shpenzim i zbritshëm veprimtarie. Në rastin kur bëhet rivlerësim i aktiveve të veprimtarisë nuk lejohet të llogaritet amortizimi për shumën e rivlerësuar.

NENI 23
I N V E N T A R I

Në fund të periudhës tatimore tatimpaguesi vlerëson gjendjen e inventarit me metodën e zgjedhur të vlerësimit, e cila duhet të zbatohet në mënyrë të qëndrueshme.

NENI 24
BORXHET E KEQIJA

Në përcaktimin e fitimit të tatueshëm, borxhi i keq njihet si shpenzim i zbritshëm, në rast se plotësohen, njëkohësisht, tri kushtet e mëposhtme:
a) Një shumë, që korrespondon me këtë borxh, është përfshirë më parë në të ardhurat;
b) borxhi është fshirë nga librat kontabël të tatimpaguesit;
c) janë ndërmarrë të gjitha veprimet e mundshme ligjore për arkëtimin e tij.

NENI 25
REZERVAT SPECIALE PER BANKAT DHE SHOQERITE E SIGURIMIT

Në përcaktimin e fitimit të tatueshëm të bankave dhe të shoqërive të sigurimit, janë shpenzime të njohura rezervat teknike, të krijuara në përputhje më ligjin nr.8081, date 7.3.1996 "Për veprimtaritë e sigurimit dhe të risigurimit" dhe provizionet e bankave të krijuara, sipas rregullave të Bankës së Shqipërisë për këtë qëllim. Megjithatë, shumat e rimarra nga këto rezerva apo provizione i shtohen fitimit të tatueshëm.

NENI 26
PJESEMARRJET QE PERJASHTOHEN NGA TATIMI MBI FITIMIN

1.Në përcaktimin e fitimit të tatueshëm të një personi resident përjashtohen si të ardhura dividentët dhe ndarjet e fitimit.
2.Kur ato shpërndahen nga shoqëri dhe ortakëri rezidente që:
a) janë subjekte të tatimit mbi fitimin;
b) subjekti përfitues ka një paketë aksionesh, jo më pak se 25 për qind, në vlerë ose në numër, të kapitalit aksioner ose të së drejtës së votës dhe për ortakëri jo më pak se 25 për qind të kapitalit fillestar.

NENI 27
MBARTJA E HUMBJEVE

1.Në rast se fitimi i tatueshëm në një periudhë tatimore rezulton negativ, humbjet e rezultuara mund të mbulohen me fitimet në tri periudhat e ardhshme tatimore, sipas parimit "humbja e parë më përpara se ajo e fundit".
2.Në rast se gjatë një periudhe tatimore pronësia e drejtpërdrejtë dhe/ose të tërthortë e kapitalit themeltar ose e të drejtave të votës, të një personi, ndryshon me më shumë se 25 për qind, në vlerë ose në numër, paragrafi i mësipërm nuk zbatohet për humbjet e pësuara nga ai person juridik, në atë periudhë tatimore dhe në periudhat paraardhëse të tatimit.

NENI 28
SHKALLA TATIMORE

Shkalla tatimore e tatimit mbi fitimin është 30 për qind.

NENI 29
DEKLARIMI TATIMOR

1.Çdo tatimpagues përgatit deklaratën vjetore të të ardhurave të tatueshme në formën e përcaktuar nga Ministria e Financave. Tatimpaguesit ua paraqesin deklaratën vjetore të të ardhurave të tatueshme organeve tatimore brenda datës 31 mars të vitit pasardhës duke paraqitur, në të njëjtën kohë, edhe bilancin kontabël, llogarinë e fitimeve dhe të humbjeve për periudhën përkatëse tatimore, si dhe anekset e llogarive vjetore.
2.Tatimi i llogaritur në bazë të deklaratës vjetore të të ardhurave të tatueshme, pakësuar me tatimin e mbajtur në përputhje më nenin 33 të këtij ligji, me shumat e përcaktuara sipas nenit 37 të tij, dhe me parapagimet e bëra gjatë periudhës tatimore, paguhet nga tatimpaguesi në llogarinë e organeve tatimore, brenda 15 ditësh pas paraqitjes së deklaratës vjetore të të ardhurave të tatueshme.
3.Çdo parapagim, i rezultuar më shumë se tatimi i llogaritur në bazë të paragrafit të dytë të këtij neni, njihet nga organet tatimore për shlyerjen e detyrimeve tatimore të prapambetura ose për pagesën e detyrimeve tatimore të ardhshme, ose, me kërkesën e tatimpaguesit, i rikthehet atij nga organet tatimore brenda 15 ditësh nga marrja e deklaratës tatimore.

NENI 30
PARAPAGIMET

1.Gjatë periudhës vijuese, tatimore, tatimpaguesi parapaguan, në llogarinë e organeve tatimorë jo më vonë se data 15 e çdo muaji, shumat si vijon:
a) Për çdo njërin nga muajt janar, shkurt, mars e prill të periudhës vijuese tatimore, shumën e tatimit mbi fitimin për periudhën tatimore të dy viteve më parë, pjesëtuar me 12;
b) Për çdo njërin nga 8 muajt e tjerë të periudhës vijuese tatimore, shumën e tatimit mbi fitimin për periudhën paraardhëse tatimore, pakësuar me pagesat e bëra nga janari deri në prill të periudhës vijuese tatimore, pjesëtuar me 8.
2.Në rastin kur tatimpaguesi e fillon veprimtarinë gjatë periudhës tatimore të vitit të dytë paraardhës, parapagimet për muajt janar-prill të periudhës vijuese tatimore të jenë si vijon:

Shuma e tatimit mbi fitimin për periudhën tatimore të dy viteve më parë pjesëtuar me numrin e muajve gjatë të cilëve tatimpaguesi ka ushtruar veprimtari tatimore. Për përcaktimin e parapagimeve për muajt e tjerë të periudhës vijuese tatimore, tatimi llogaritet sipas shkronjës "b" të paragrafit të parë të këtij neni.
3.Në rastin kur tatimpaguesi e fillon veprimtarinë gjatë periudhës paraardhëse tatimore, parapagimet për muajt janar-prill, të periudhës vijuese tatimore, të jenë sa shuma e vlerësuar e tatimit mbi fitimin për periudhën e mëparshme, pjesëtuar me numrin e muajvë të periudhës së mëparshme, për të cilët është ushtruar veprimtari. Shkronja "b" e paragrafit të parë të këtij neni zbatohet për përcaktimin e parapagimeve, për efekt të muajve të mbetur nga periudha vijuese tatimore.
4.Në rastin kur një tatimpagues fillon të ushtrojë një veprimtari në periudhën vijuese tatimore, parapagimet për këtë periudhë të jenë sa shuma e vlerësuar e tatimit mbi fitimin për periudhën vijuese, pjesëtuar me numrin e muajve të mbetur nga periudha vijuese tatimore.
5.Në rastin kur tatimpaguesi , në çdo kohë, gjatë periudhës tatimore, vërteton para organeve tatimore se tatimi mbi fitimin për këtë periudhë tatimore do të jetë, në mënyrë domethënëse, më i ulët së tatimi mbi fitimin në periudhën paraardhëse ose në periudhën e dytë paraardhëse, atëhere organet tatimore pranojnë zvogëlimin e parapagimeve, sipas rregullave të vendosura nga Ministria e Financave.
6.Nëse organet tatimore vlerësojnë së tatimi mbi fitimin për periudhën vijuese tatimore do të tejkalojë me më tepër se 10 për qind tatimin mbi fitimin e periudhës së mëparshme tatimore, ajo mund të rregullojë në rritje parapagimet,
në përputhje me tatimin mbi fitimin e vlerësuar prej saj.
7.Për tatimpaguesit, parapagimet mujore të të cilëve, sipas paragrafit të parë të këtij neni, në periudhën vijuese ose atë paraardhëse tatimore nuk kanë kaluar 10 000 lekë, këto parapagime mund të akumulohen për çdo 3-mujor dhe të paguhen deri në datën 15 të muajit që ndjek 3-mujorin.

NENI 31
S H K E L J E T

Përbëjnë shkelje të këtij ligji, sipas këtij kreu, këto veprime a mosveprime:
a) Fshehja e të ardhurave nga veprimtaria;
b) falsifikimi i të dhënave dhe i dokumenteve, për të ardhurat dhe shpenzimet;
c) mosparaqitja, brenda afatit kohor, e deklaratës tatimore dhe bilancit kontabël me anekset e tij;
ç) mosrespektimi i datës së pagesës së tatimit;
d) mbajtja e gabuar e llogarive, pa pasoja në rezultatin financiar.

NENI 32
D E N I M E T

Shkeljet e parashikuara në nenin 31 të këtij ligji, nëse nuk përbëjnë vepër penale, formojnë kundërvajtje administrative dhe dënohen me gjobë si vijon:
a) Fshehja e të ardhurave nga veprimtaria dhe falsifikimi i të dhënave e i dokumenteve, për të ardhurat dhe shpenzimet përveç detyrimit të pagesës, në masën njëqind për qind, të tatimit të papaguar, dënohen me një gjobë të barabartë me pesëfishin e tatimit të papaguar.
b) Mosparaqitja në afatin e caktuar e deklaratës tatimore dhe e bilancit kontabël vjetor së bashku me anekset e tij dënohen me gjobë 25 mijë deri në 50 mijë lekë. Në rast përsëritjeje të kësaj shkeljeje, dënimi me gjobë dyfishohet.
c) Mospagesa në kohën e duhur e detyrimit tatimor dënohet me gjobë, në masën 0,5 për qind të detyrimit tatimor të paderdhur, për çdo ditë vonesë.
ç) Mbajtja e gabuar e llogarive, pa pasoja në rezultatin financiar, dënohet me gjobë 10 mijë lekë.
Procedurat e ankimit dhe të ekzekutimit të masës administrative bëhen në përputhje me ligjin nr.7681, datë 4.3.1993 "Për administrimin e tatimeve dhe taksave në Republikën e Shqipërisë".

KREU IV
TATIMI I MBAJTUR NE BURIMIN E TE ARDHURAVE
NENI 33
MBAJTJA E TATIMIT MBI TE ARDHURAT

1.Të gjithë personat rezidentë në Republikën e Shqipërisë, organet e qeverisjes qendrore e vendore, si dhe çdo subjekt tjetër, i njohur si i tillë nga legjislacioni në fuqi, mban në burim tatimin, në masën 15 për qind, për pagesat e mëposhtme:
a) Dividentët, përveç dividentëve të përcaktuar në paragrafin e parë të nenit 34 të këtij ligji;
b) ndarjet e fitimit, përveç ndarjeve të fitimit të përcaktuara në paragrafin e dytë të nenit 34 të këtij ligji;
c) interesat, përveç interesave të bonove të thesarit dhë të letrave të tjera me vlerë, të emetuara nga Këshilli i Ministrave para datës 1 janar 1999, të përcaktuara në paragrafin e tretë të nenit 34 të këtij ligji;
ç) pagesat për të drejtat e autorit dhe pronësinë intelektuale;
d) pagesat për shërbime teknike dhe pagesat për menaxhim;
dh) pagesat për ndërtim, instalim, montim apo punë mbikëqyrëse, përkatëse, të kryera nga organet e qeverisjes qendrore apo vendore, apo një individ, gjatë administrimit të veprimtarisë së vet;
e) pagesat për argëtues, artistë apo sportistë në një shfaqjë apo prezantim në Republikën e Shqipërisë dhe pagesa të tilla, bërë personave juridikë apo ortakërive, të cilët punësojnë argëtues, artistë apo sportistë apo ndërmjetësojnë shfaqje a prezantime të tilla.
2.Paragrafi i parë i këtij neni zbatohet edhe ndaj jorezidentëve, për pagesa të tilla, të lindura nga një person me seli të përhershme që ai mban në Republikën e Shqipërisë.
3.Paragrafi i parë i këtij neni nuk zbatohet për dividentët dhe ndarjet e fitimit të përcaktuara në nenin 26 të këtij ligji.
4.Një tatimpagues jorezident, i cili përfiton të ardhura si ato
të përmendura në shkronjat
"d", "dh" ose "e" të paragrafit të parë të këtij neni, mund të tatohet njëlloj, si në rastin kur këto të ardhura të ishin përfituar në ndjekjen e një veprimtarie të ndërmarrë prej tij nëpërmjet një njësie të përhershme në Republikën e Shqipërisë.

NENI 34
MBAJTJA PERFUNDIMTARE E TATIMIT

1.Një person rezident, i cili u paguan dividentë personave rezidentë, duhet të mbajë tatim nga dividenti në masën 10 për qind. Ky veprim përbën tatimin përfundimtar të pagueshëm për atë divident dhe, kushtet e parashikuara në nenin 8 e ato të paragrafit të dytë të nenit 9 të këtij ligji nuk zbatohen. Ky paragraf nuk do të zbatohet në qoftë se personi, që përfiton dividentin, njofton paguesin e vet se dividenti është përfituar për veprimtarinë e drejtuar prej tij.
2.Një ortakëri rezidente, e cila ndan fitimet te persona rezidentë, duhet të mbajë tatimin për këtë ndarje fitimesh në masën 10 për qind. Ky veprim përbën tatimin përfundimtar të paguëshëm për atë ndarje fitimesh dhe, kushtet e parashikuara në nenin 8 dhe ato të paragrafit të dytë të nenit 9 të këtij ligji nuk zbatohen. Ky paragraf nuk do të zbatohet në qoftë se individi, që përfiton pjesën e fitimit, njofton paguesin e vet se kjo pjesë fitimi është përfituar për veprimtarinë e drejtuar prej tij.
3.Një person, i cili i paguan një personi rezident interes me burim në Republikën e Shqipërisë, një depozitë në një bankë, apo institucione financiare të ngjashme, për një certifikatë kursimi, obligacion, apo instrumente të ngjashme ose pagesa të ngjashme, mbajnë tatimin për atë interes, në masën 10 për qind. Ky do të jetë tatimi përfundimtar i pagueshëm për atë interes dhe, kushtet e parashikuara në nenin 8, e ato të paragrafit të dytë të nenit 9 të këtij ligji, nuk zbatohen. Ky paragraf nuk zbatohet, gjithashtu, në qoftë se individi, që përfiton interesin, njofton paguesin e vet se interesi është përfituar për veprimtarinë e drejtuar prej tij.

NENI 35
MBAJTJA E TATIMIT DHE RREGJISTRIMI

1.Paguesi i shumave, për efekt të mbajtjes së tatimit të parashikuar në nenet 33 dhe 34 të këtij ligji, derdh tatimin e mbajtur në llogaritë e organeve tatimore jo më vonë se data 15 e muajit pasardhës të muajit të pagesës.
2.Paguesi i këtyre shumave duhet të nxjerrë pagesat e përfitimeve dhe mbajtjen në burim të tatimeve dhe t'ia verë në dispozicion organeve tatimore, si dhe personit, për të cilin është bërë pagesa, regjistrimet përkatëse.

KREU V
DISPOZITA TE VEÇANTA
NENI 36
TRANSFERIMI I CMIMIT

1.Kur janë vendosur apo krijuar kushte, ndërmjet personave të lidhur në një veprimtari, në marrëdhëniet e tyre tregtare apo financiare, të cilat ndryshojnë nga ato që mund të ekzistojnë ndërmjet dy personave të pavarur, organet tatimore mund të vendosin, që të ardhurat e një apo më shumë prej këtyre personave të lidhur të përfshijnë fitimin që ai ose ata mund të kishin arritur, nëse nuk do të egzistonin këto kushte.
2.Për të siguruar zbatimin e drejtë dhe efektiv të këtij neni, organet tatimore mund të arrijnë marrëveshje me kushte që më përpara me personat që kryejnë një veprimtari, të cilat do të përcaktojnë se kushtet specifike ndërmjet personave të lidhur nuk ndryshojnë nga ato që mund të ndodhin ndërmjet personave të pavarur.

NENI 37
KREDITIMI I TATIMIT TE HUAJ

1.Në qoftë se gjatë periudhës tatimore një rezident nxjerr nga burime jashtë territorit të Republikës së Shqipërisë fitime apo të ardhura, tatimi mbi të ardhurat personale apo tatimi mbi fitimin, i pagueshëm nga ai rezident, lidhur me këto të ardhura apo fitime duhet të reduktohen me atë masë të tatimit të pagueshëm mbi këtë të ardhur ose fitim. Masa e tatimit të huaj të pagueshëm duhet të vërtetohet me document autentik, të përcaktuar në udhëzimin e Ministrisë së Financave.
2.Reduktimi i tatimit mbi të ardhurat personale ose tatimi mbi fitimin, i dhënë në paragrafin e parë të këtij neni nuk duhet të kalojë tatimin e pagueshëm mbi fitimin apo të ardhurat nga burimi i huaj, në rast se këto të ardhura realizohen në Republikën e Shqipërisë.
3.Në rastin e një tatimpaguesi, i cili është subjekt i tatimit mbi fitimin, çdo reduktim i tatimit, i parashikuar në paragrafin e parë të këtij neni, kufizohet në tatimin, që do të ishte i pagueshëm në Republikën e Shqipërisë, i llogaritur sikur neni 27 i këtij ligji të zbatohej në çdo vend të huaj, në lidhje më fitimet apo humbjet e rezultuara nga burime në atë vend të huaj.
4.Reduktimi i tatimit, sipas këtij neni, duhet të llogaritet në mënyrë të veçantë, lidhur me çdo vend të huaj, nga i cili janë përfituar të ardhurat apo fitimet.

KREU VI
DISPOZITA KALIMTARE DHE TE FUNDIT
NENI 38
DISPOZITA KALIMTARE

1.Tatimi që duhet të mbahet në përputhje edhe me paragrafin pare dhe të dytë të nenit 10 dhe të nenit 33 të këtij ligji, do të mbahet nga pagesat e bëra pas hyrjes në fuqi të këtij ligji.
2.Ndërtesat, konstruksionet dhe impiantet e blera para datës 1 janar 1999 do të amortizohen në bazë të kostos së tyrë historike.
3.Aktivet e qëndrueshme, të patrupëzuara, të blera para dates 1 janar 1999 do të amortizohen mbi bazën e kostos së tyrë historike. Nëse vlera, e mbetur kontabël, e regjistrimit të këtyrë pasurive në datën 1 janar 1999 është më e vogël se 50 për qind e kostos së tyre historike, tatimpaguesit i lejohet të vazhdojë amortizimin, në përputhje me udhëzimin nr.8, datë 12.2.1992 "Mbi normat e amortizimit të aktiveve të qëndrueshme, të personavë fizikë dhe juridikë".
4.Baza e amortizimit të kompjuterave, sistemeve të informacionit, produkteve "software" dhe sistemeve të ruajtjes së të dhënave, si dhe të të gjitha aseteve të veprimtarisë, të blera përpara datës 1 janar 1999, për periudhën tatimore 1999, do të jetë vlera e këtyre aktiveve në librin e madh më 1 janar 1999, rregulluar siç është përshkruar në nenin 22 pika gjashtë e këtij ligji.
5.Fitimi i tatueshëm për periudhën tatimore 1999 dhe 2000 të reduktohet me humbjet e pësuara nga tatimpaguesi përpara datës 1 janar 1999, të llogaritet në përputhje me nenin 8 të ligjit nr.7677, datë 3.3.1993 "Për tatimin mbi fitimin", në qoftë se këto humbje janë të regjistruara në deklaratat e fitimit të vitit 1998. Humbjet e pësuara në vitet 1996 dhe 1997 nuk mbarten.
6.Tatimpaguesit, që kanë fituar lehtësi tatimore, në përputhje më ligjin nr.7677, date 3.3.1993 "Për tatimin mbi fitimin", i gëzojnë këto lehtësi sipas kushteve të parashikuara me ligjin e mësipërm.
NENI 39
LIGJET QE SHFUQIZOHEN

1.Ligji nr.7786, datë 27.1.1994 "Për tatimin mbi të ardhurat personale", me ndryshimet përkatëse, si dhe të gjitha aktet e tjera, që vijnë në kundërshtim me këtë ligj, shfuqizohen.
2.Ligji nr.7677, datë 3.3.1993 "Për tatimin mbi fitimin", me ndryshimet përkatëse, si dhe të gjitha dispozitat e tjera, që vijnë në kundërshtim me këtë ligj, shfuqizohen.

NENI 40
AKTE NENLIGJORE

Ngarkohet Ministria e Financave për nxjerrjen e akteve nënligjore në bazë dhe për zbatim të këtij ligji.

NENI 41
HYRJA NE FUQI

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.2289, datë 31.12.1998 të Presidentit të Republikës së Shqipërisë, Rexhep Meidani

PASQYRA NR. 1
E ARDHURA E TATUESHME TATIMI MBI TE ARDHUREN PERSONALE(PER MUAJ)

Mbi(ne leke) Deri ne(ne leke) Leke Perqindje
0 10 000 Pragu perjashtues
10 000 + 20 000 0 +5% te shumes mbi 10 000
20 000 + 30 000 500 +10% te shumes mbi 20 000
30 000 + 50 000 1 500 +15% te shumes mbi 30 000
50 000 + 80 000 4 500 +20% te shumes mbi 50 000
80 000 + 120 000 10 500 +25% te shumes mbi 80 000
120 000 + Me teper 20 500 +30% te shumes mbi 120 000


PASQYRA NR. 2
ÇMIMI I SHITJES TATIMI I PAGUESHEM

Mbi(leke) Ne(leke) Perqindje
0 2 000 000 0.5% çmimit te shitjes
2 000 000 + 4 000 000 1% çmimit te shitjes
4 000 000 + 6 000 000 2% çmimit te shitjes
6 000 000 + E me teper 3% çmimit te shitjes