Tiranë, ekzekutohet më armë zjarri ish-atleti Hasan Rakipi

Shqiperi



TIRANË-
Policia: Hasani u vra në makinë
Sipas të dhënave të fundit nga policia e Tiranës, ish-atleti Hasan Latifi ka qënë brenda në lokal duke konsumuar pije bashkë me disa miq të tij. Pasi ka dalë ka hypur në sediljen e parë të makinës, nga ku edhe është qëlluar me armë.

Policia deklaron se në kohën që ndodhej në lokal nuk ka bërë sherr me asnjë person, ndërsa shton se janë marrë në pyetje të gjithë personat që ndodheshin në lokal.

Ekzekutohet ish-atleti
Mbrëmjen e sotme rreth orës 18:00 është ekzekutuar me armë zjarri ish-atleti Hasan Rakipi. Ngjarja e rëndë ka ndodhur në Kamëz, pranë një lokali në fushën e futbollit të zonës. Ish-atleti 56 vjecar mësohet se merrej akoma me këtë sport, madje pak kohë më parë kishte organizuar edhe një maratonë.

Pas ngjarjes së rëndë, shkaqet e së cilës mbeten ende të pazbuluara, ka mbërritur në vendngjarje edhe policia e Tiranës.

Menjëherë janë marrë në pyetje personat që ndodheshin aty pranë, ndërsa policia pritet të thërrasë edhe familjarët për të dëshmuar në lidhje me ndonjë konflikt të mundshëm që mund të ketë pasur ish-atleti Rakipi.

Policia ka shpallur në kërkim autorin dhe ka ngritur postoblloqe në të gjithë zonën për kapjen e tij.
(m.a/BalkanWeb)