Irta niset në Greqi për tu kuruar nga tumori, paratë nuk mjaftojnë

KORCE- Solidaritet për Irtën e vogël e cila vuan nga gjëndrat tumorale. Pas apelit të bërë në NEWS24 dhe BalkanWeb për të ndihmuar që ëndrra e vajzës 14 vjecare të mos ndërpritet në mes , shqiptarë nga brenda dhe jashtë vendit kanë shprehur solidaritetin duke derdhur kontributin e tyre në numrat e llogarive bankare që janë hapur në Raiffaisen Bank. Nr e llogarisë janë hapur në emër të xhaxhait të Irtës, Haxhi Lanka. Ka dhe nga shqiptare jashte vendit te cilet kane kontaktuar direkt nepermjet numrit te telefonit me zotin Haxhi ne nr celular 067 22 93 131 per ta ndihmuar financiarisht duke i derguar te hodha ne forma te tjera transferte.
Disa ditë pas apelit në News24 Irta mori vizën për tu kuruar në shtetin grek dhe u nis pasditen e sotme. Mësohet se paratë e grumbulluara nga donacionet arritën në shifrën e 2 milionë e gjysëm lekë të vjetra. Llogaritë vazhdojnë të janë të hapura pasi paratë nuk mjaftojnë për kurimin e 14 vjecares.

Shqetësimi për fatin e Irtës nuk fshihet dot as në fjalët që thotë dhe as në timbrin e zërit të Haxhi Lankes teksa flet ne telefon me gazetaret e BalkanWeb.
“Irta sa vjen e ndjen më shumë dhimbje. Qafa i është enjtur dhe e lëviz me shumë vështirësi. Kam marrë pasaportën dhe kam futur dokumentet në konsullatën greke të Korcës. Më thanë që vizën do ta marr të hënën në mesditë dhe më pas do nisem sa më parë drejt Selanikut për të bërë vizitën në klinikën ku kam bërë dhe analizat. Nuk mund të pres më? ”- tha disa ditë më parë Haxhi Lanka për mbesën e cila që në moshën 5 vjecare është rritur pa baba. Ai nuk le pa falenderuar te gjithe ata qe po i gjenden prane financiarisht ne keto momente.

Apeli i 14 vjecares: Më ndihmoni të kurohem nga tumori
Jeta e një 14-vjecareje në fshatin Klocë të Maliqit në Korcë varet cdo dite e me shume nga solidariteti për ta ndihmuar financiarisht.

Dy muaj më parë, Irta Lanka shkonte në shkollë normalisht, luante me shokët e shoqet, mësonte dhe ëndërronte si të gjithë moshatarët e saj, deri kur në anën e djathtë të qafës iu shfaq një gjëndër. Dy tre ditë më pas një tjetër gjëndër i shpërtheu në anën e majtë. Brenda javës i dolën dy- tre gjëndra të tjera në mes të qafës.

Të alarmuar familja dërgoi vajzën për diagnostikim. Përgjigjet e analizave nuk ishin premtuese… as të mira për Irtën, vajzën 14 vjecare e cila 9 vite më parë humbi të atin.

“Na orientuan për në Selanik. Dërguam kampionin. Pas një jave morëm përgjigjen dhe na rezultoi se vajza vuan nga gjëndra tumorale.”- tregon për NEWS24 xhaxhai i Irtës.

Haxhi Lankes, i cili tashmë duhet të marrë dhe rolin e babait për Irtën, motrën e saj të vogël dhe të vëllanë tregon i shqetësuar dhe sy te ulur poshte. “Shëndeti i vajzës sa vjen e përkeqësohet. Ka dy muaj qe nuk shkon në shkollë”.

Për nëna Zanën e vetmja fije shprese për vajzën e saj është operimi në Selanik. Po si? Me cfarë të ardhurash? Me cfarë dokumentesh?
Familja e përbërë nga 4 anëtarë, nëna, Irsa, motra dhe i vëllai më i vogël jetojnë vetëm me pensionin që kanë siguruar nga vdekja e babait, vetëm 6 mijë lekë të reja.

Po a mundet vallë kjo familje, me kaq pak të ardhura të sigurojë paratë për operacion i cili do i shpëtonte jetën Irsës?!

“I lutemi ministrisë së Shëndetësisë të na ndihmojë financiarisht dhe duke na pajisur me dokumente për të mundësuar dërgimin e Irsës në Selanik.”- vazhdon rrëfimi i xhaxhait.

Apelit i bashkangjitet më fort dhe dhimbja e nënës së adoleshentes- “Më ndihmoni ta kuroj jashtë shteti”.

Edhe Irta nëpërmjet mikrofonit kërkon ndihmë për tu pajisur me pasaportën biometrike dhe i lutet shtetit ta ndihmojë për tu kuruar sa më shpejt.

Bashkia e Maliqit ka ofruar një fond të vogël për të ndihmuar kurimin e Irsës. NEWS24, BalkanWeb i bashkangjiten apelit të familjarëve për të ndihmuar që ëndrra e 14 vjecares të mos ndërpriret në mes.

Pak ore pas apelit në News24, kreu i bashkisë së Maliqit, Gëzim Topcia bën të ditur se kanë nisur menjëherë procedurat për pajisjen me pasaportë të 14 vjecares, ndërsa vetë konsulli grek në Korcë ka marrë përsipër vizën e vajzës.

Bashkia e Maliqit ka hapur llogari bankara për të ndihmuar vajzën 14 vjecare e cila vuan nga gjëndra tumorale. Në adresën e Balkanweb kanë mbërritur numrat e llogarive bankare ku cdo kush që dëshiron mund të derdhë të hodhat të cilat më pas do ti kalojnë familjes Lanka. BalkanWeb pasi bëri verifikimin nga Bashkia e Maliqit dhe Raiffeissen Bank konfirmon se numrat e llogarisë janë të sakta. "Parate do derdhen ne emer te Haxhi Xhevahir Lanka (xhaxhai i vajzes ,sepse i ati nuk jeton). Po publikojme dhe numrin e xhaxhait te Irtes, per kushdo qe kerkon te kontaktoje drejteperdrejte per te dhene kontributin e vet ne ndihme te 14 vjecares. Haxhi Lenka numri i telefonit Celular: 067 22 93 131