Hapen portat e hidrocentraleve, priten serish permbytje

KESH hap serisht portat e hidrocentraleve te Komanit dhe Vaut te Dejes.Rreshjet e shumta, vecanerisht gjate 24 oreve te fundit, kane rritur ndjeshem nivelin e liqeneve ne kaskaden e Drinit dhe detyruan Koorporaten Elektroenergjitike Shqiptare te filloje shkarkimet nga keto 2 hidrocentrale. Kreu i Entit Rregullator te Energjise, Bujar Nepravishta qeteson banoret e zonave te Shkodres, se situata eshte nen kontroll.


“Kemi te dhena qe s’ka permbytje ne zonen e Shkodres. Edhe po te kete, do jene te kontrolluara”, shprehet ai. Aktualisht ne hidrocentralin e Komanit, niveli i ujit ka arritur 172,32 meter nga 175 qe eshte niveli maksimal i lejuar. Prurjet ne kete hidrocentral arrijne ne 600 m3 ne sekonde dhe shkarkohet rreth 350 m3 uje per sekonde. Ne hidrocentralin tjeter ku ka kane filluar shkarkimet, Vaun e Dejes, niveli i ujit eshte 75,14 meter, pak centimetra larg kuotes maksimale prej 76 metrash.

Ne kete hidrocentral, prurjet jane rreth 200 m3 ne sekonde dhe shkarkohet 500 m3 uje. Ndersa ne hidrocentralin e Fierzes, niveli i ujit eshte me shume se 291 meter dhe prurjet arrijne ne 1200 m3 ne sekonde. Rritja e prurjeve ne Fierze eshte ndihmuar edhe nga hapja e portave te liqenit te Ohrit nga autoritetet maqedonase. Megjithate, nga Fierza nuk kane nisur ende shkarkimet.

Brenda pak ditesh do te mblidhet grupi per te vendosur nese do te fillojne shkarkimet, gje e cila do ta acaronte gjendjen ne dy liqenet e meposhtme. KESH thote se po prodhohet maksimalisht energji elektrike, rreth 26 milione kw/ore, nga te cilat 10,5 milione kilovat ore energji shiten dhe shkembehen.