Shkodër, nën ujë mbi 100 banesa, mbyllen disa shkolla

Rikthehen dhe njëherë përmbytjet në zonën e Shkodrës, që në këtë fillim viti shkaktuan dëme të mëdha materiale tek banorët. Vazhdon gjendja e gatishmërise për të përballuar këtë emergjence që po krijohet dita ditës për shkak të reshjeve të shumta qe kanë tej fryrë lumenjtë dhe liqenet e hidrocentraleve mbi lumin Drin. Shkarkimet vazhdojne dhe sot në HEC-et e Vaut të Dejes, Koman dhe Fierzë. Banoret nuk pranojne te evakueohen

Ja harta e permbytjeve deri ne mesdite

Ora 13:00-Ministria e Brendshme paraqiti sot në mesditë te dhenat mbi të tokave të përmbytura në zonat e Shkodrës. Gjithsej llogariten 5 350 ha tokë e përmbytur, 108 shtëpi nën ujë dhe 723 shtëpi të rrethuara dhe kërcënuara nga uji.

Të dhënat janë bërë të ditur nga strukturat e angazhuara për përballimin e situatës së krijuar në Qarkun e Shkodrës, të cilat janë duke vepruar në terren në zbatim të detyrave të përcaktuara nga Komisioni i Emergjencës Civile.

Mësohet se konkretisht në fshatin Daragjat të Komunës Dajç po punohet për përforcimin e argjinaturës, kurse në Bërdicë po ngrihet kampingu me 20 çadra në funksion të Komunës Dajç.

Ndërkohë vazhdojnë punimet në fshatin Ashtë të Komunës Bushat për përforcimin me mjete inerte me qëllim ruajtjen nga dëmtimi të 10 shtëpive që mund të rrezikohen nga shembjet për shkak të gërryerjeve nga Lumi Drin.

Nga strukturat e Policisë së Shtetit dhe të Forcave të Armatosura, me mjetet që disponojnë aktualisht po merren masa për drejtimin e operacioneve të evakuim-shpëtimit.

Në fshatrat Shirq, Daragjat e Dajç jnë dërguar forca dhe mjete për evakuimin e komunitetit.

Edhe në Komunën Ana e Malit janë vënë forca dhe mjete në dispozicion për evakuimin e komunitetit si dhe janë dërguar thasë me rërë për përforcimin e pritave në fshatin Gorricë.

Nga Drejtoria Rajonale e Arsimit Shkodër janë mbyllur shkollat në Komunat Ana e Malit, Dajç, Guri i Zi(fshatrat Vukatanë, Kuç, lagjen Ajasëm(Bashkia Shkodër) deri në një urdhër të dytë.

Tabela, Të dhëna mbi sipërfaqen e tokës së përmbytur, numrin e shtëpive të përmbytura dhe të shtëpive të rrethuara nga uji.


Nr Njësia vendore Tokë e përmbytur Shtëpi të përmbytura Shtëpi të rrethuara nga uji
1 B. Shkodër 50 ha 5 27
2 K. Dajç 1600 ha 35 150
3 K. Ana Malit 1000 ha 15 165
4 K. Velipojë 700 ha 53 150
5 K. Bërdicë 1000 ha - 71
7 K. Bushat 700 ha 30
8 K. Guri Zi 300 ha 130

Gjithsej 5350 ha 108 shtëpi 723 shtëpi


Uji hyn në Shkodër, pamjet nga kalaja e Rozafës

Ora 12:00-Uji hyn në lagjet periferike të Shkodrës. Uji ka zaptuar banesat e para në periferi të Shkodrës. TVNews24 siguron pamje të zonave të përmbytura ku vihen re siperfaqe te mëdha nën ujë. Pamjet e marra nga Kalaja e Rozafës dëshmojnë gjendjen jo të zakontë. Nën ujë dhe Harku i Bërdicës që u përmbyt dhe ne filllim te janarit nga përmbytja masive. Uji ka trokitur nderkohe ne Bahcallek ndersa mesohet se banoret kane zgjedhur te strehohen tek te afermit dhe jo ne kampingjet e qeverise.

Ruli: Në Shkodër nën ujë 3 600 ha tokë

Ora 10:00-Zyrtarisht deri në orën 10:00 të paradites së sotme në Shkodër rezultojnë rreth 3 600 ha tokë të përmbytura. Ministri i Bujqësisë Genc Ruli ka mbledhur shtabin e emergjencave në një mbledhje nga ku bëri të ditur për mediat këtë paradite se situate në Shkodër konsiderohet kritike. Sipas tij vëmendja e vecantë është përqëndruar në Shkodër, ku janë vënë në punë me kapacitet të plotë hidrovoret. Por sipas Rulit, e paparashikueshme ka qënë situata e prurjeve në lumin Drin, që ka tejkaluar normën e këtyre ditëve.

Zgjerohen përmbytjet, shtrihen deri në Bërdicë

Ora 09:15-Ndërsa dita e sotme në qarkun e Shkodrës është me mot pa rreshje shiu, shkarkimi i ujit nga portat e liqeneve të hidrocentraleve, ka risjellë përmbytje, ku krahas komunës Ana e Malit, e Dajçit të Bregut të Bunës, Gurit të Zi dhe Bushatit, ato janë shtrirë edhe në komunën e Berdicës, shumë pranë qytetit dhe në Trushin e poshtëm.

Korrespondentja e News24, Eliona Kodra bëri të ditur sot paradite se sipërfaqja e zonave të përmbytura është rritur.
Nga të njëjtat burime mësohet se në terren ndodhen forca të shumta të ushtrisë dhe policisë, strukturat e Shtabit të Emergjencës civile në prefekturë dhe qëndër po punojnë në përforcimin e argjinaturës së fshatit Darragjat të komunës Dajç i Bregut të Bunës për ta ruajtur nga nga ndonjë dëmtim i mundshëm.

Vazhdojne permbytjet ne Shkoder
Ora 07:30-Në zonën veripërëndimore të Shqipërisë vazhdon të zgjerohet harta e përmbytjeve. Ujrat e dala nga shtretërit e lumenjve Kir e Gjader si pasojë e shkarkimeve nga hidrocentralet mbi lumin Drin kanë sjellë sot paradite në Shkodër një panoramë të trishtë që të kujton përmbytjet e fillimit të Janarit të ketij viti.

Uji ka dale dhe ne vendin e quajtur Harku i Bërdicës,pjese e aksit Shkoder- Tirane.Situata paraqitet kritike në Dajt, Obot, Daragjat në lagjen e Shkodrës Bahcallëk ku uji ka hyrë në oborret e banesave.
Banorët e këtyre zonave që përjetuan në Janar të njëjtën situatë nuk pranojnë të evakuohen.
Ndërkohë shtabi i emergjencës po punon për të ndihmuar njerëzit që kanë më tepër nëvojë për lëvizje në rrugët e mbushura me ujë si dhe për ngritjen e argjinaturave.
Tre kampingje, 2 na Dajc dhe 1 në Bërdicë janë ngritur për personat që mud të evakuohen.
Moti as sot nuk eshte shume premtues per Shkodren qe heret ne mengjes eshte zgjuar me nej tis mjegulle.

Deri ditën e djeshmemesohet se rreth 3 mijë hektarë tokë janë zhytur nën ujë. Për fat të mirë ende nuk janë konstatuar shtëpi të përmbytura.

Ditën e djeshme qeveria bëri thirrje se po përsëritet situate e emergjencës për zonat e nënShkodrës pas rritjes se nivelit të ujrave të lumenjeve nga reshjet e ditëve të fundit.
Qeveria paralajmëroi ngritjen e Komitetit të Emergjencave. Kryeministri Sali Berisha në mbledhjen e qeverisë bëri thirrje për përballimin e situatës me sa më pak dëme.

Ndërkohë autoritetet kanë filluar t'u bëjnë thirrje banorëve të disa zonave për t'u evakuar.

Në fillim të këtij viti zona e Shkodrës u përmbyt pas reshjeve të shumta që i detyruan autoritetet të hapnin edhe portat e liqeneve të hidrocentraleve të kaskadës së Lumit Drin. Bilanci ishte 11 mijë hektarë tokë dhe 2500 shtëpi të përmbytura. Mbi 5000 familje u evakuan.

Opozita ka akuzuar qeverinë për paaftësi, ndërsa qeveria ka thënë se bëhet fjalë për një fatkeqësi natyrore.