Tirane,tenton te grabise banken merr peng kalimtaren

Histori pengmarrjeje e cila përfundoi për fat të mirë brenda 30 minutash dhe pa te lenduar.Një person i armatosur ka marrë peng një vajzë. Ngjarja ndodhi sot rreth orës 13.00 afër Librit Universitar, pak kilometra larg godines se Presidences, zone mjaft e populluar ne Tirane. Sipas të dhënave të para të policisë personi i armatosur me pistoletë kishte tentuar të grabisë një filial banke, brenda ambienteve të kësaj qendre tregtare.

Pengmarrësi ka dalë nga qendra tregtare së bashku me vajzen, (sipas të dhënave të para mund te kete qene punonjese e bankes) duke e kërcënuar atë me pistoletë.

Menjëherë policia ka mbërritur në vendngjarje duke bërë dhe bllokimin e të gjithë zonës.

Djali, sipas dëshmitarëve, rreth të 20-25- tave me vajzën ka dalë nga qendra tregtare dhe është drejtuar drejt presidencës.

Pengmarrja ka shkaktuar panik tek kalimtarët dhe të gjithë qytetarët që ndodheshin në atë zonë, mjat të populluar.

I ndodhur i rrethuar nga policia, djali i ka drejtuar armën dhe punonjësve të policisë.

Menjëherë policia ka mbërritur në vendngjarje dhe pas 30 minutash ka arritur të neutralizojë pengmarrësin.

Vajza 19 vejcare është liruar. Ajo është e frikësuar por ndodhet në gjendje të mirë shëndetësore.