Greqi- racizmi, ushtaret greke stërvitje në Sarandë

Forcat e Njësisë së Gardës Bregdetare të Greqisë, që kërcënuan shqiptarët nga bulevardi kryesor i Athinës kanë vizituar Shqipërinë 7 muaj më parë.

Në kryeartikullin e sotëm të Gazeta Shqiptare “Parada Antishqiptare, zbulohet stërvitja në Sarandë e togës greke” të gazetarit Tedi Blushi shkruhet se- të paktën 20 nga 36 komandot ksenofobë që u filmuan teksa klithnin: "Grek lind, nuk bëhesh kurrë, gjakun për ty do derdhim o derr shqiptar", kanë zbarkuar në portin e Sarandës në datën 15 shtator 2009. Koha përkon pikërisht me periudhën kur mbarë opinioni publik ishte përfshirë në debatin për marrëveshjen e përcaktimit të kufirit detar mes dy shteteve.

Madje "Gazeta Shqiptare" jep detaje ne kryeartikullin e publikuar sot ku publikon ekskluzivisht dhe fotot e 20 marinsave dhe të të paktën tre anijeve të kësaj Njësie. Për 24 orë anijet kanë patrulluar brenda ujërave territoriale shqiptare me misionin e koduar "Albania 2009".

Incidenti ndodhi në parakalimin e forcave speciale së ushtrisë greke, gjatë festës kombëtare të Greqisë, 25 mars. ushtarët grekë kënduan këngë dhe lëshuan thirrje antishqiptare. Thirrjet e ushtareve ishin "Elinas genise, dhen ginese pote, to ima su tha hisume, guruni albane", që e përkthyer në shqip do të thotë: "Grek lind, nuk bëhesh kurrë, gjakun për ty do derdhim o derr shqiptar".