Skandali, gruaja e deputetit konservator punon si prostitutë

Skandali godet sërish konservatorët e Devid Kameron, pasi një gazetë britanike publikon fakte që sipas saj tregojnë se gruaja e një deputeti konservator punon si prostitutë. Është e përditshmja Sunday Mirror, e cila raporton se bashkëshortja e deputetit Majk Udherli ofron trupin e saj për 70 paund.

Bëhet fjalë për 39-vjecaren braziliane, e quajtur Karla, e martuar me një prej deputetëve më të rinj që Kameron paraqiti pak kohë më parë. Sipas gazetës, dy herë i martuar, Uedherlin u takua me Karlën 10 vjet më parë gjatë një udhëtimi biznesi në një festë në Rio De Zhaneiro, ku sipas disa burimeve të pakonfirmuara ajo që atëherë shiste veten për seks. Ata nisën një marrëdhënie dhe babai i 3 fëmijëve vendosi ti blejë Karlës një apartament në zonën ekskluzive të plazhit Kopa Kabana. Ata u martuan në 2003 dhe sipas certifikatës së martesës, ajo cilësohet si shtëpiake.

Fillimisht Karla e la të kaluarën pas, por nuk mundi me sa duket të harrojë profesionin e saj të vjetër. Një reporter investigativ i Sunday Mirror, arriti ti bëjë disa fotografi në një prej shtëpive publike në jug të Londrës, ku Karla ofron edhe shërbimet e saj. Duke mos ditur se bëhej fjalë për një gazetar, por për një klient të thjeshtë gruaja e Uedherlit u prezantua si Bea dhe i dha listën e cmimeve për shërbimet e saj, duke i rrëfyer klientit se punonte gjithashtu edhe në 2 shtëpi të tjera publike.

“Më pëlqejnë njerëzit këtu. Janë klientë të mirë, vec kësaj ky është një vend i mirë ku mund të fitosh para”,- tha Karla, ndërsa i shoqi deputeti Uedherli ka thënë para gazetarëve se ishte shokuar nga lajmi se bashkëshortja e tij punonte si prostitutë, por sipas tij cifti është ndarë që në muajin shkurt dhe se takohen vetëm një herë në javë për drekë, si dy miq të mirë.