Pagjumësia, femrat vuajnë më shumë se meshkujt

Në tre të rritur, një vuan nga pagjumësia. Por shenjat mund të jenë të ndryshme, aq sa ata që e vuajnë provojnë mënyra të ndryshme për të përballuar problemin.Në Glasgow janë prezantuar rezultatet e një studimi ndërkombëtar, referuar vitit të shkuar, sipas të cilit 56% e amerikanëve kanë deklaruar se vuajnë nga mungesa e gjumit. Në Evropë nga ky problem vuajnë 31% e njerëzve dhe në Japoni, 23% e të anketuarve.

Sipas të njëjtit studim, më të goditurat nga pagjumësia janë femrat sesa meshkujt, ndërkohë që incidenca rritet me avancimin e moshës dhe arrin pikun pas të 65-ave.

Sipas profesor Maurice M. Ohayon nga universiteti i Stanfordit (Usa), drejtor në një qendër kërkimesh epidemiologjike për gjumin ka një mënyrë për të lexuar të dhënat e studimit.

“Ekspertët i referohen një nate normale gjumi, që kap një cikël prej 90-110 minutash. Pagjumësia manifestohet në mënyra të ndryshme. Ka nga ata që ankohen se vuajnë shumë para se t’i marrë gjumi dhe të tjerë që e kalojnë këtë fazë, por që nuk arrijnë të flenë gjatë. Ndërkohë që një person në katër zgjohet shumë herë gjatë natës, pra bën gjumë me ndërprerje”- thotë ai.

Zgjimet e shpeshta shkaktohen për arsye nga më të ndryshmet: nevoja për të shkuar në banjë, ndonjë dhimbje fizike, ndjenja e ankthit, por edhe shqetësimi i shkaktuar nga prania në shtrat e partnerit.

“Për fat të keq, ka edhe shumë prej tyre që manifestojnë të gjithë shenjat e sipërpërmendura njëherësh”- thotë më tej profesori.

Më shumë se sasia, sipas profesorit e rëndësishme është cilësia. Ai thekson se shumë i drejtohen medikamenteve të ndryshme, por këshillon prerë se kjo nuk mund të bëhet pa rekomandimin e mjekut specialist, pasi pasojat mund të jenë të pakthyeshme, për shkak të varësisë që mund të krijojnë.

Po ashtu edhe eshte qe femrat vuajn me shum nga pagjumsija se ju mashkujt jeni fajtor!hahaha

Hahahahaha e kam idene qe kete faktor e kane mbajtur ne konisderazion si faktor kryesor studjuset e ketij kerkimi