Raporti: Shqipëria, e fundit në rajon për lirinë e medias

"Reporterët pa kufij": Ua kaluan edhe disa vende afrikane.Shqipëria është vendi me liri më të pakët për mediat në të gjithë Ballkanin. Këtë përfundim e ka nxjerrë një nga organizatat më të rëndësishme ndërkombëtare me qendër në Francë, që ka statusin e vëzhguesit në Organizatën e Kombeve të Bashkuara. Në raportin për vitin 2008 mbi lirinë e medias, vendi ynë renditet në vendin e 79, duke u ngjitur me 7 vende, pasi në 2007-ën renditej e 87-a. Me gjithë këtë indeks ngushëllues, duke u krahasuar me vendet e tjera të rajonit tonë, fatkeqësisht Shqipëria është më poshtë. Madje edhe Serbia renditet e 64-ta, pra 12 vende para nesh. Ndërkaq, Maqedonia ndodhet në vendin e 42-të, kurse Kosova në të 58-in. Mali i Zi, më të mirin akoma, ai ndodhet në vendin e 53, në indeksin vjetor të lirisë së medias. Kurse Bosnja është më mirë se të gjithë dhe çuditërisht ndodhet në një nivel me Shtetet e Bashkuara të Amerikës, pikërisht në vendin e 36-të.

Në listën e "Reporterëve pa kufij", Shqipëria është pas një sërë vendesh afrikane, të tilla si Trinidad Tabako, Namibia, Gana, Mali etj., të cilat rezultojnë se kanë më shumë hapësirë për lirinë e medias. "Reporterët pa kufij", në raportin e tyre, theksojnë se demokracia nuk garanton domosdoshmërisht lirinë e medias. "Nuk është prosperiteti ekonomik që garanton lirinë më të madhe të shtypit, por është paqja". Sipas këtij grupimi, fjala e lirë është prekur në disa vende, në mënyrë të veçantë në SHBA dhe Izrael, për shkak të shqetësimeve për sigurinë. E teksa demokracitë parlamentare që nuk janë të përfshira në luftë, janë mirë në këtë drejtim, të tjerët ku përfshihen SHBA-ja dhe Izraeli ndihmojnë në ndrydhjen e lirisë së shtypit. Kjo është arsyeja përse SHBA-ja për shembull, është në vendin e 36-të në klasifikimin e vendeve më të lira. Në krye të rreth 20 vendeve evropiane janë ato nordike, si Islanda, Norvegjia dhe Finlanda. Disa nga demokracitë e reja përfshirë Estoninë, Letoninë dhe Sllovakinë janë në dhjetë vendet kryesore. Islanda mbron vendin e parë të lirisë së shtypit. Kurse Mbretëria e Bashkuar, Britania e Madhe, ndodhet në vendin 23-të. Disa demokraci janë në nivele të dobëta, Rusia për shembull, si Pakistani dhe Sri Lanka. Kina lëngon në vend të fundit, megjithëse për të, 2008-a ka qenë një vit olimpik. Kina në raportin e "Reporterëve pa kufij" ndodhet edhe më keq se Arabia Saudite, Uzbekistani, Zimbabve dhe Irani, por jo më keq se Birmania. Organizata "Reporterët pa kufij", në raportin e saj, thekson se nuk është prosperiteti ekonomik që garanton lirinë më të madhe të shtypit, por është paqja.

E teksa demokracitë parlamentare që nuk janë të përfshira në luftë janë mirë në këtë drejtim, të tjerët ku përfshihen SHBA-ja dhe Izraeli ndihmojnë në ndrydhjen e lirisë së shtypit.


Krahasimi

Në raportin për vitin 2008 mbi lirinë e medias, vendi ynë renditet në vendin e 79, duke u ngjitur me 7 vende, pasi në 2007-ën renditej e 87


Dokumenti

Raporti vjetor i OSBE-së për mediat në vend


Një javë më parë, Prezenca e OSBE-së në Tiranë, publikoi raportin vjetor për Shqipërinë, ku flitej edhe për problemet e mediave. Në këtë raport, theksohet se në lidhje me reformën në sektorin e mediave, në korrik 2008, Kuvendi inicioi një projektligj për transmetimet radiotelevizive, i cili synon të unifikojë ligjet ekzistuese, atë për Radion dhe Televizionin Publik dhe Privat dhe ligjin për Transmetimet Numerike. Gjithsesi, garancitë që projektligji ofron për pavarësinë e Këshillit Kombëtar të Radios dhe Televizionit (KKRT) dhe të Radio Televizionit Shqiptar (RTSH) duken të pamjaftueshme dhe ka ende një mungesë përparimi në hartimin e një strategjie dixhitale të konsultuar gjerë. Kjo situatë bie në kundërshti me Planin e Veprimit të adoptuar në vitin 2007 me Komisionin Evropian dhe Këshillin e Evropës (KE), i cili parashikon miratimin e një ligji të ri për transmetimet përmes një procesi transparent. KKRT-ja vazhdon të kritikohet për vendimet e saj të dukshme jotransparente të licencimit dhe për mungesën e perceptuar të pavarësisë së saj nga qeveria - një kritikë e cila i drejtohet edhe RTSH-së. Më 1 tetor 2008, Përfaqësuesi i Lirisë së Mediave u shprehu aktorëve të Kuvendit shqetësim në lidhje me këto zhvillime.


Vërejtja

Garancitë që projektligji ofron për pavarësinë e Këshillit të Radio Televizionit Shqiptar (RTSH) duken të pamjaftueshme




Renditja


1 Islanda

- Luksemburgu

- Norvegjia

4 Estonia

- Finlanda

- Irlanda

7 Belgjika

- Letonia

- Zelanda e Re

- Sllovakia

- Suedia

- Zvicra

13 Kanadaja

14 Austria

- Danimarka

16 Republika Çeke

- Lituania

- Holanda

- Portugalia

20 Gjermania

21 Xhamajka

22 Kosta Rika

23 Hungaria

- Namibia

- Mbretëria e Bashkuar

26 Surinam

27 Trinidad dhe Tobago

28 Australia

29 Japonia

30 Sllovenia

31 Qipro

- Gana

- Greqia

- Mali

35 Franca

36 Bosnjë Hercegovina

- Kepi i Gjelbër

- Afrika e Jugut

- Spanja

- Tajvani

- SHBA

42 Maqedonia

43 Uruguai

44 Italia

45 Kroacia

46 Izraeli (Territori i Izraelit)

47 Mauritius

- Polonia

- Rumania

- Koreja e Jugut

51 Hong-Kongu

- Liberia

53 Qipro (E Veriut)

- Mali i Zi

- Togo

56 Kili

57 Panama

58 Kosova

59 Bullgaria

- Nikaragua

61 Kuvajti

62 Salvadori

63 Burkina Faso

64 Serbia

65 Timori Lindor

66 Botsvana

- Libani

68 Argjentina

69 Emiratet e Bashkuara Arabe

70 Benin

- Malavia

- Tanzania

73 Haiti

74 Butani

- Ekuadori

- Katar

- Sejshëll

- Zambia

79 Shqipëria

- Fixhi

81 Guineja-Bisau

82 Brazili

- Republika Dominikane

- Tonga

85 Republika e Afrikës Qendrore

86 Senegali

87 Ukraina

88 Guajana

89 Komoros

90 Mozambiku

- Paraguai

92 Kongo

93 Mongolia

94 Burundi

- Madagaskari

96 Bahrein

97 Kenia

98 Moldavia

99 Guineja

- Honduras

101 Guatemala

102 Armenia

- Turqia

104 Maldivet

105 Mauritania

106 Taxhikistani

107 Uganda

108 Peruja

109 Bregu i Fildishtë

110 Gabon

111 Indonezia

- Kirgistan

113 Venezuela

114 Sierra Leone

115 Bolivia

116 Angola

- Lesoto

118 India

119 SHBA (territoret jashtë vendit)

120 Gjeorgjia

121 Algjeria

122 Maroku

123 Oman

124 Tajlanda

125 Kazakistani

126 Kamboxhia

- Kolumbia

128 Jordania

129 Kameruni

130 Niger

131 Nigeria

132 Malajzia

133 Çadi

134 Xhibuti

135 Sudani

136 Bangladeshi

137 Gambia

138 Nepali

139 Filipine

140 Meksika

141 Rusia

142 Etiopia

143 Tunizia

144 Singapori

145 Ruanda

146 Egjipti

147 Svaziland

148 Republika Demokratike e Kongos

149 Izraeli (Territoret e jashtme)

150 Azerbajxhani

151 Zimbabve

152 Pakistani

153 Somalia

154 Bjellorusia

155 Jemeni

156 Afganistani

- Guineja Ekuatoriale

158 Iraku

159 Siria

160 Libia

161 Arabia Saudite

162 Uzbekistani

163 Territoret Palestineze

164 Laos

165 Sri Lanka

166 Irani

167 Kina

168 Vietnami

169 Kuba

170 Burma

171 Turkmenistani

172 Koreja e Veriut

173 Eritrea


Fakti

Indeksi shtohet për shtetet e kontinentit problematik

Vendet afrikane, rrisin lirinë e shtypit


Disa vende afrikane paraqiten më mirë se në vitet e mëparshme për sa i takon lirisë së shtypit, ndër to Namibia, Gana dhe Mali.

Këto vende janë më mirë se Spanja dhe Italia, të cilat kanë shënuar një ulje. Raporti thotë se kjo ulje ka ndodhur për shkak të ndërhyrjes së mafies në politikë. Libani, Haiti dhe Argjentina kanë shënuar përparime, kurse Venezuela, Çadi dhe Sudani kanë pësuar rënie. Disa demokraci janë në nivele të dobëta, Rusia për shembull, si Pakistani dhe Sri Lanka. Kina lëngon në vend të fundit, megjithëse ky ka qenë viti olimpik. Ajo është më keq se Arabia Saudite, Uzbekistani, Zimbabve dhe Irani, por jo më keq se Birmania.


Nënvizimi


Raporti thekson se çështjet e sigurisë kanë penguar mediat


SHBA dhe Izraeli, "problemet" nga lufta


"Reporterët pa kufij" theksojnë se fjala e lirë është prekur në disa vende, në mënyrë të veçantë në SHBA dhe Izrael, për shkak të shqetësimeve për sigurinë. Ky paralajmërim përkon edhe me publikimin e një raporti vjetor të grupit për lirinë e shtypit.

Grupi "Reporterët pa kufij", thotë se nuk është prosperiteti ekonomik që garanton lirinë më të madhe të shtypit, por është paqja. E teksa demokracitë parlamentare që nuk janë të përfshira në luftë janë mirë në këtë drejtim, të tjerët ku përfshihen SHBA-ja dhe Izraeli ndihmojnë në ndrydhjen e lirisë së shtypit.

Kjo është arsyeja përse SHBA-ja për shembull, është në vendin e 36-të në klasifikimin e vendeve më të lira. Në krye të rreth 20 vendeve evropiane janë ato nordike, si Islanda, Norvegjia dhe Finlanda. Disa nga demokracitë e reja përfshirë Estoninë, Letoninë dhe Sllovakinë janë në dhjetë vendet kryesore.