rama -jam gati te takohem me meten

Kryetari i PS, Edi Rama ka deklaruar se eshte i gatshem te takohet me kreun e Levizjes Socialiste per Integrim, Ilir Meta. Gjate intervistes per emisionin “Shqip” ne TCH, Rama ka shprehur keqardhjen e tij per situaten ne te cilen ndodhet partia tjeter e opozites.

“LSI ka nje vit qe i ka hapur PS nje lufte qe bazohet tek arsenali i politikes se vjeter, eshte nje parti pa nje projekt te ri politik dhe une per kete mund te them qe me vjen keq. Megjithate, dera jone eshte gjithome e hapur. Une jam gati te ulem te diskutoj me Ilir Meten”, ka pohuar Rama.

Me tej kreu i PS ka mbrojtur hartimin e Kodit te ri Zgjedhor, duke dhene garancine se ai do te mbroje votat e shqiptareve. “PS dhe une personalisht do te jemi garantet e cdo vote, sepse e gjithe filozofia jone nuk eshte ardhja ne pushtet me cdo kusht, por qe te bejme te mundur qe pushteti t’u takoje me cdo kusht qytetareve”, ka shtuar Rama.

Kryetari i Partise Socialiste ka deklaruar se eshte koha per nje politike pertej se majtes dhe te djathtes, e cila nuk sjelle percarje mes njerezeve. Duke sjelle shembullin e Toni Blair dhe Barack Obames, Rama theksoi se eshte koha per nje politike te re qe do te ndermarre masa efektive, pavaresisht se qendrimet qe mbahen jane te majta apo te djathta.

“Udhetimi im ne Shqiperi me ka krijuar nje revolte te brendshme shume te madhe per shkak te hendekut te madh te krijuar mes njerezve deri ne fshatin me te larget. Njerezit pertej halleve qe kane qendrojne te ndare ne emer te ndasive politike. Ne na duhet qe te mos u japim shqiptareve arsye per t’u ndare. Problemet dhe hallet e shqiptareve nuk jane te majta dhe te djathta, por jane probleme qe duhet te zgjidhen me nje politike te re dhe me masa te efektshme pavaresisht se politikat jane te djathta apo te majta”, eshte shprehur Rama.

“Shqiptaret duhet t’i kapercejne kufijte qe u ka vene kjo politike e vjeter. Ata nuk duhet t’i referohen te shkuares e cila con ne ndarje”, shtoi ai. Sipas kreut te Partise Socialiste, zgjedhjet e vitit 2009, sipas te gjitha gjasave do te zhvillohen ne fund te muajit qershor.

“Shpresoj te mos jene si zgjedhjet e KOKSH-it, ku kandidati theu kutine e votimit ne emer te lirise se votes dhe ku vete qeveria beri nje deklarate skandaloze sepse denoi dhunen shume formalisht, ndersa ka arrestuar nje person te denoncuar nga dhunuesi. Nuk do doja qe Berisha te beje te njejten gje. Zgjedhjet e vitit te ardhshem jane zgjedhje mes se shkuares dhe se ardhmes. Kodi eshte nje rezultat i arritur me debat, perpjekje e veshtiresi. Si forca me e madhe sot ne vend, edhe ne rastin e kodit zgjedhor, kemi vene interesat e qytetareve mbi interesat e momentin apo interesat klanore apo partiake”, theksoi Rama.

Ne vijim, ai beri thirrje per bashkimin e shqiptareve per te sjelle ndryshimin e Shqiperise. “Bashkimi qe na duhet per te ndryshuar Shqiperine eshte nje bashkim qytetaresh. Une mund te them me plot gojen se per mua pushteti nuk eshte qellim por eshte mjet per te realizuar disa qellime te perbashketa. Politika ka lindur per t’u dhene mundesi njerezve te zgjidhin disa probleme qe nuk i zgjidhin dot vetem. Ky eshte nje koncept themelor qe me ndan mua nga shume te tjere, nga ajo pjese e politikes qe pushtetin e sheh si qellim per te plotesuar interesat e ngushta partiake”, vijoi kreu i PS-se.[img][/img]