Presidenca e BE: Nuk jeni të mirëpritur tani

Ministri i Jashtëm çek, Karl Schëvarzenberg, i bëri të ditur dje homologut të tij shqiptar, Lulzim Basha se BE-së i ka hyrë uji nga kriza ekonomike, kështu nuk ka se si fton në shtëpi miq të tjerë, pasi është diçka e sikletshmeTIRANE-Çekia, duke për dorur diplomacinë elegante, i thotë “Jo” Shqipërisë për aplikimin si vend kandidat në Bashkimin Europian gjatë presidencës së saj. Ministri i Jashtëm çek, Karl Schëvarzenberg, i bëri të ditur dje homologut të tij shqiptar, se BE-së i ka hyrë uji nga kriza ekonomike, kështu nuk ka se si fton në shtëpi miq të tjerë, pasi është diçka e sikletshme. “Shqipëria është e ftuar të bëhet anëtare e Bashkimit Europian. Nëse ju do më ftoni në shtëpinë tuaj, unë e pranoj ftesën, por nëse në atë moment janë çarë tubat dhe shtëpia noton në ujë, ju nuk do jeni shumë mikpritës. Nga kriza ekonomike, BE-ja është si një shtëpi e mbushur me ujë. Pra, nxirrini vetë konkluzionet”, - tha dje ministri çek pas takimit të Trojkës Europiane me Shqipërinë. Sic ben te ditur ne numrin e sotem,Gazeta Shqiptare, përgjigja e Bashës për këtë shembull të homologut të tij, ishte e menjëhershme, por i mungonte delikatesa diplomatike. “Hapi tjetër nuk varet nga ndonjë presidencë, ajo varet në konsensusin e 27 vendeve anëtare, të cilat duhet të ndezin dritën jeshile. Jemi qartësisht të angazhuar për standardet e zgjedhjeve më 28 qershor”, - u shpreh Basha. Sa i takon aplikimit, ministri shqiptar u shpreh dje në Bruksel se “jemi treguar të mençur në gjetjen se çfarë dhe kur duhet bërë, dhe urtësia jonë reflekton se në lidhje me BE-në, reflekton se në lidhje me NATO-n si edhe në lidhje me marrëdhëniet me rajonin, ka paguar për Shqipërinë dhe për shqiptarët”.