Hedh dyshekun e mamasë me 1 milionë dollarë brenda në të, kursimet e gjithë jetës

Ekzistonte dikur mania për t’i fshehur kursimet në dyshek e kjo traditë e largët duket se nuk qenka larguar as në vitet e sotme dhe as në vendet e pasura.
Një grua e moshuar nga Izraeli kishte fshehur në dyshekun e saj, plot 1 milionë dollarë, të cilat ishin kursimet e një jete të tërë, por vajza e saj nuk e ka ditur një gjë të tillë dhe ia ka fkalur dyshekun, me gjithë paratë e majme, drekt e në koshin e plehrave.
Vajza izraelite gabimisht e ka hedhur dyshekun me një milion dollarë të fshehur në të, me gëzimin se i kishte blerë nënës së saj një dyshek të ri.
Por vetëm pasi e kishte hedhur të vjetrin, e kishte kuptuar se nëna e saj në dyshek kishte fshehur kursimet e tërë jetës së saj.
Kur ka shkuar të kërkojë dyshekun e hedhur, ka parë se punëtorët e kompanisë së higjienës publike e kishin marrë atë, derisa kërkimi nëpër tri depo deri tani nuk ka dhënë asnjë rezultat.
Drejtuesi i njërës prej deponive të mbeturinave ka deklaruar se të punësuarit e tij po e ndihmojnë gruan, e cila është tmerrësisht e dëshpëruar, por nga ana tjetër ka thënë se është e vështirë të gjendet dysheku në një vend ku çdo ditë hidhen nga 2.5 tonë plehra.

n.e/NOA