Biografia e Sali Berishes!

Sali Berisha ka lindur me 15 tetor 1944 në qytetin e Kavajës, e cila vite më vonë do të ishte edhe zona e tij elektorale. Si njeri mjaft i ndjeshëm ndaj halleve të popullit, ai u përfshi shumë shpejt në aktivet e grupeve rinore komuniste demokrate antifashiste.

Pa kaluar shumë kohë rreth tij filluan të mblidheshin mjaft simpatizantë dhe njerëz të thjeshtë të popullit të cilët shihnin tek ai liderrin e ardhshëm.

Në ato vite u njoh edhe me shitësin e librarisë Flora, djaloshin Enver Hoxha dhe të dyve së bashku u polli mendja për krijimin e një grupimi politik. Dhe kështu, me nismën e dy ortakëve, Enver Hoxha dhe Sali Berisha, pasi dorëzuan dokumentacionin e nevojshëm në kuesturë, u themelua firma “Partia Komuniste e Reformave Demokratike” shpk.

Gjatë luftës, komandant Berisha njihej me pseudonimin “Kryeministri” dhe për trimërinë dhe vetmohimin e treguar ndër beteja ju dha grada madhore e gjeneral-kolonelit, të cilën Sali Berisha e refuzoi në mënyrë të parevokueshme. Lufta u kurorëzua me fitoren e thelle te koalicionit të mazhorancës ndaj opozitës. Menjëherë lindi nevoja për krijimin e një qeverie e cila do të udhëhiqte vendin.

Togeri i xhenjos Enver Hoxha propozoi emrin e komandantit Berisha për postin e kryeministrit ose të presidentit ose kryetarit të partisë. Por profesori dhe doktori i ardhshëm kishte plane të tjera dhe nuk i interesonte politika. Berisha kishte pasion mjekësinë, të cilës ju përkushtua plotësisht.

Por ndërsa vitet kalonin, vendi vuante nën diktaturën e Enverit. Nuk ishte kjo Shqipëria për të cilën ai kishte luftuar. Atëherë Saliu, i vuri vetes një qëllim. Të eliminonte shokun e tij të luftës, Enver Hoxhën dhe të shpejtonte reformat e kërkuara nga BE.

Duke shfrytëzuar sëmundjen e diktatorit, doktor Berisha kërkoi të caktohej mjek i Enver Hoxhës. Duke qenë pranë tij ai kishte mundësi ta eliminonte edhe pse kështu ai shkelte betimin e Hipokratit. Por dr.Berisha nuk arriti ta përfundonte misionin e tij fisnik pasi në prill të 1985, Enver Hoxha vdiq vetë.

Me vdekjen e diktatorit, Sali Berisha shpresonte se udhëheqësi i ri i vendit, Ramiz Alia do të inkurajonte reformat në drejtësi dhe të hiqej regjimi i vizave me Maqedoninë. Atëherë i zhgënjyer ai vendosi të bëhej kryetar partie dhe më pas president, pastaj përsëri kryetar partie dhe më në fund kryeministër.

Prof.dr. Sali Berisha flet mjaft mirë frëngjisht, anglisht, amerikanisht, venezualisht, vertikalisht dhe samitisht.