Dy shqiptarët e 30 grabitjeve, arratisen nga burgu në Greqi

GREQI – Dy shtetas shqiptarë u arratisën sot nga burgu i Rodosit në Egjeun Lindor në Greqi.
Sipas autoriteteve greke, të burgosurit shqiptarë Berti Tabaku, 22 vjeç dhe Nderim Disha, 20 vjeç, kanë arritur të arratisen nga burgu edhe pse ishin dënuar nga drejtësia për mëse 30 grabitje.


Hetimet e deritanishme sugjerojnë se dy shqiptarët prenë me sharrë metali hekurat e qelive, dolën në oborrin e burgut dhe më pas arritën të kapërcenin rrethimin e sigurisë duke u larguar në drejtim të panjohur.


Ministria e Drejtësisë në Greqi tha se urdhëroi masa drastike ndaj gardianëve të regjimit të brendshëm të burgut që lejuan ngjarjen.
Ndërkohë prokuroria e Rodosit ka hapur hetimet në lidhje me ngjarjen për të zbardhur rrethanat e arratisjes së dy shqiptarëve.


Shqiptarët po kërkohen në një perimetër të gjerë nga policia greke në të gjitha pikat që lidhin ishullin me pjesën tjetër të zonës, por ende nuk është gjetur asnjë gjurmë e dy të arratisurve.