Pakti me Greqinë, Kushtetuesja zbardh vendimin

Gjykata Kushtetuese ka zbardhur sot vendimin me ane te te cilit rrezoi nje muaj me pare Marrëveshjen e nënshkruar ndërmjet Republikës së Shqipërisë dhe Republikës së Greqisë për ujrat detare. Në rreth 46 faqe, Gjykata Kushtetuese ka dhënë argumentat e saj per papajtueshmerinë e kësaj marrëveshjeje me Kushtetuten e Republikes se Shqiperise.
Në rreth 46 faqe, Gjykata Kushtetuese ka dhënë argumentat e saj per papajtueshmerinë e kësaj marrëveshjeje me Kushtetuten e Republikes se Shqiperise.
Një ndër arsyet më të forta që detyruan Gjykatën të merrte këtë vendim, ka qenë fakti se anëtarët e grupit negociator të palës shqiptare nuk e kishin marrë lejen speciale nga Presidenti i Republikës për të negociuar me palën greke.
Lidhur me pretendimin për zhvillimin e bisedimeve pa pasur plotfuqinë nga Presidenti i Republikës, Kolegji Penal shprehet se ky pretendim eshte i bazuar dhe duhet pranuar. Gjykata vlereson se mosmarrja e plotfuqise nga Presidenti i Republikes per lidhjen e marrëveshjes bie ndesh me nenin 7 te kushtetues i cili garanton ndarjen dhe balancimin e pushteteve.
Gjykata vlereson me tej se mospajisja e delegacionit shqiptar me plotfuqi te rregullt nga Presidenti ka sjelle si pasoje cenimin e komptences se kreut te shtetit si organi kompetent per përfaqesimin e shteti shqiptar ne marrdheniet me jashte.
Si rrjedhojë, kjo papajtueshmeri prek edhe thelbin e marrëeshjes se lidhur nga shteti shqiptar, i cili ne cdo rast, duhet te shprehe vullnetin e tij ne përputhje me keëkesat e legjislacionit të brendshëm.

Dhe e gjithë kjo sipas Kushtetueses do te thotë se marreveshja eshte firmosur ne kundershtim me nenet 4,7,92 te Kushtetutes. Bazuar në këto pika konstatohet se para zhvillimit të bisedimeve duhet te ishin percaktuar qarte hapesirat detare qe duhet te dëelimitoheshin, po ne kete kuader nga pala shqiptare duhet te saktesohej baza e brendshme ligjore per te gjitha keto arsye Gjykata kushtetuese e deklaron te papajtueshme me kushtetutetn kete marreveshje

Pakti, GSH e denoncoi, Kushtetuesja e rrezoi
Në 1 Mars të këtij viti Gjykata Kushtetuese rrëzoi me votim unanim 9-0 Marrëveshjen e përcaktimit të kufirit detar me Greqinë. Nëntë anëtarët e Kushtetueses pranuan kërkesën prej 13 faqesh që Partia Socialiste depozitoi në datën 20 tetor 2009 pranë këtij institucioni, me objekt shqyrtimin e pajtueshmërisë me ligjin themeltar të shtetit të paktit detar shqiptaro-grek. Neni 4 i ligjit Nr.8371, datë 9.7.1998 "Për lidhjen e traktateve dhe marrëveshjeve ndërkombëtare", sanksion se dokumenti i plotfuqishmërisë në rastin kur subjekt i marrëveshjes është shteti shqiptar, lëshohet nga Presidenti i Republikës. Subjekt i Marrëveshjes me Greqinë për përcaktimin e kufirit detar është detyrimisht shteti shqiptar, sepse kufijtë territorialë të Republikës së Shqipërisë i përkasin shtetit dhe jo qeverisë. Pra ekspertët nuk kanë pasur plotfuqishmërinë për të negociuar në emër të shtetit shqiptar. Rrjedhimisht, marrëveshja nga pikëpamja ligjore është quajtur nul nga Gjykata Kushtetuese.
"Gazeta Shqiptare" ka qenë e para e përditshme në vendin tonë që arriti të zbardhë qysh në 28 prill 2009 (dita e nënshkrimit të paktit nga Basha-Bakojanis) faktin tronditës që fshihet në marrëveshjen shqiptaro-greke "Për delimitimin e zonave përkatëse të shelfit kontinental dhe zonave të tjera detare që i përkasin në bazë të së drejtës ndërkombëtare". Në disa numra rresht, GSH vërtetoi asokohe se qeveria Berisha i kishte dhuruar Greqisë nëpërmjet nënshkrimit të kësaj marrëveshjeje një sipërfaqe të madhe ujore në detin Jon. Fakti i pretenduar do të vërtetohej vetëm pak muaj më vonë nga ish-drejtori i Institutit të Tipografisë Ushtarake të Shqipërisë, koloneli Myslym Pasha, njëherësh profesor me gradën shkencore "Kandidat i shkencave", i lauruar me titullin "Mjeshtër kërkimesh".