Vizat, KE ‘Ok’, por vendos kushte

Kolegji i Komisionereve pritet te miratoje te merkuren, ne mbledhjen e radhes, rekomandimin per liberalizimin e vizave me Shqiperine e Bosnjen. Ashtu sic eshte bere e ditur edhe ne te kaluaren, sipas burimeve te Top Channel, rekomandimi i Komisionit pritet te jete pozitiv, por i kushtezuar nga permbushja e kritereve te mbetura.
Nderkohe qe formulimi perfundimtar do te behet i ditur vetem pas mbledhjes se Kolegjit, permes nje komunikate per shtyp, qe kabineti i Komisioneres Cecilia Mallmstrom pritet te leshoje te merkuren pasdite ose te enjten, ne versionin e fundit te draft-rekomandimit te zbuluar nga Top Channel percaktohet se si Shqiperia ashtu edhe Bosnja do te kene nga tre kushte secila per te plotesuar, ne menyre qe keto vende te mund perfitojne nga heqja e regjimit te vizave.

"Zhvillimi i nje politike dhe strategjie per te mbeshtetur riintegrimin e te riatdhesuarve shqiptare.

Forcim i kapaciteteve te zbatuesve te ligjit dhe implementimin efikas te kuadrit ligjor per luften ndaj korrupsionit dhe krimit te organizuar, ku perfshihet dhe percaktimi i burimeve te duhura njerezore dhe financiare.

Zbatim efikas i ligjit te ri, miratuar ne 2009, ne fushen e konfiskimit te aseteve kriminale."

Pa dallime ne kushtin e 2-te qe per Bosnjen eshte i pari ne listen e Komisionit, per vendin tjeter te prapambetur ne kete proces, kushtet e tjera jane specifike per sistemin boshnjak.

" Forcimi i kapaciteteve dhe zbatimi efikas i kuadrit ligjor per luften ndaj krimit te organizuar dhe korrupsionit.

Zbatim efikas i planit te aksionit per shkembimin elektronik te te dhenave mes prokurorise dhe policise.

Harmonizim i kodit penal i entiteteve dhe distriktit Brcko me ate ne nivel shteteror."

Formulimi per kushtet e paplotesuara ende mbetet subjekt ndryshimi deri ne diten e publikimit te rekomandimit nga Komisioni, por sipas zyrtareve europiane te perfshire ne kete proces, Shqiperia dhe Bosnja nuk pritet t'i shpetojne rregullit te ndjekur per Serbine dhe Malin e Zi nje vit me pare, te cilat perfituan liberalizim te vizave vetem pasi Brukseli vleresoi se kushtet e mbetura ishin plotesuar.

Pas miratimit te merkuren nga Kolegji i Komisionereve, rekomandimi do t'i kaloje per miratim Parlamentit Europian e me pas Keshillit te Ministrave te Brendshem te BEse per vendimin perfundimtar. Me hyrjen ne fuqi te traktatit te Lisbones, parlamentet nacionale te 27 vendeve anetare kane te drejte te shprehen, duke ndryshuar ose jo, cdo inisiative ligjore perpara votimit nga Parlamenti Europian, i cili ne skenarin me te mire parashikohet te ndodhe ne mes te shtatorit.
Shqyrtimi i rekomandimit te Komisionit nga dy institucionet e tjera europiane shoqerohet me verifikimin ne terren te kritereve te mbetura per Shqiperine dhe Bosnjen nga ekspertet e BEse per vizat.

Ajo qe mbetet e paqarte dhe e papercaktuar ende eshte se cili nga takimet e Ministrave te Brendshem te BE-se, ai i muajit tetor, nentor apo dhjetor, do te diskutoje kete rekomandim gjate presidences Belge. Shqiptaret do te kene te drejte te levizin pa viza ne vendet ‘Schengen’, 20 dite pas botimit ne fletoren zyrtare europiane te vendimit te 27 ministrave te brendshem.