Vizat, Komisioni i Brendshëm i PE miraton Rezoluten

Komisioni për Liritë Civile, Drejtësi dhe Punët e Brendshme i Parlamentit Europian ka miratuar sot rezolutën për heqjen e vizave me Shqipërinë dhe Bosnjën. MInistria e Pune te Jashtme e Shqiperise konfirmoi per TVNews24 se Komisioni hodhi ne votim Rezoluten e eurodeputetes, Tanja Fajon qe mori 49 vota pro dhe 2 vota kunder (nga 2 europarlamentaret holandeze). Në këtë mënyrë hapet rruga e votimit të kësaj rezolute për heqjen e vizave brenda vitit 2010 në Parlamentin Europian, e më pas nga ministrat e Brendshëm të BE-së.

Në mbledhjen e paradites së sotme, komisioni votoi gjithashtu edhe për opinionin e miratuar nga Komisioni i Jashtëm, në të cilin thuhet se ky proces duhet të kryhet sa më shpejt.

Më herët komisioni hodhi në votë amendamentin e paraqitur nga deputeti i majtë hollandez, Daniel Van Der Stoep. Sipas këtij amendamenti si Shqipëria ashtu dhe Bosnja më parë duhet të tërhiqen nga kjo konferencë në mënyrë që kjo rregullore për heqjen e vizave të zbatohet. Gjatë votimit amendamenti i Van der Stoep është rrëzuar me 49 kundër dhe mori vetem 2 vota pro.

Tashmë rezoluta pritet të kalojë për votim në Parlamentit Europian në seancat e 6 dhe 7 tetorit, dhe më pas miratimi final në 7 dhe 8 nëntor nga ministrat e Brendshëm të Bashkimit Europian qe do te rekomandoje direkt heqjen e vizave për Shqipërinë dhe Bosnjën, vendim ky që hyn në fuqi ekzekutive maksimumi para Krishtlindjeve, në fund të dhjetorit 2010.