Fileta peshku me speca

Për 4-5 persona duhen:

4-5 copa fileta të gatshme, 4-5 lugë gjelle me lyrë, 2 kokrra qepë mesatare, 5-6 copë speca mesatare, 4-5 thelpinj hudhra, 3 kokrra domate mesatare, 3-4 lugë gjelle me verë, kripë, piper, pak borzilok sipas dëshirës.



Filetat e peshkut njomen me lëng limoni dhe lihen mënjanë. Në tigan me lyrë, të mbuluara me kapak, kaurdisen qepë të prera në fije, derisa të zbuten. Më pas hidhen domatet e qëruara nga cipa dhe lihen të ziejnë, derisa të jenë gati. Sipas dëshirës, hidhet edhe borzilok. Në tepsi vendoset gjysma e masës së përgatitur, më pas vendosen filetat dhe sipër pjesa tjetër. Hidhet verë e bardhë dhe piqet një furrë jo shumë të nxehtë. Kjo gjellë përgatitet edhe në tenxhere. Në këtë rast, zierja bëhet në nxehtësi mesatare, që fileta të mos copëtohet.

Supë orizi

Në lëngun e mishit ose në ujë të vluar hidhet orizi i pastruar e i larë. Pas 10 minutash vlimi shtohen qepë, karota e rrënjë majdanozi të kaurdisura me gjalpë: hidhet kripë dhe vazhdon zierja 15-20 minuta të tjera, derisa orizi të jetë gati. Në fund supës i hidhen jeshillëqe të grira hollë dhe piper.



Për 4-5 persona duhen:
lëng mishi 1.5 litra, oriz 4 lugë gjelle, qepë 1 kokërr, karota 2-3, majdanoz, gjalpë 50 g , kripë, piper të zi.




Supë orizi me vezë dhe limon

Në lëngun e mishit ose në ujë të vluar hidhet orizi i larë e i pastruar dhe kripa e lihen të ziejnë në zjarr të ngadaltë rreth 30 minuta. Në fund supës i shtohet pak lëkurë limoni e grirë me rende, i jepet një valë, hiqet nga zjarri dhe pas 5-6 minutash rregullohet me të verdhën e vezëve. Për këtë, në një enë porcelani hidhet e verdha e vezës, rrihet mirë dhe duke e rrahur i shtohet lëng limoni, ose limontoz i tretur në ujë dhe pak e nga pak lëng supe. Në fund rregullohet me majdanoz të grirë hollë dhe piper të zi, sipas dëshirës.

Për 4-5 persona duhen:
lëng mishi 1.5 litra, oriz 4 lugë gjelle, gjalpë 50 g ose 1 lugë gjelle, e verdhë veze 1, limon 1/2 kokrre, majdanoz, kripë, piper i zi.

Supë jeshile

Në një tenxhere kaurdisen qepë, karota, rrënjë selino dhe pak miell, shtojmë lëng mishi ose ujë. Sa të marrë valë hidhen patate të prera në copa kubike dhe zihen për 10 minuta. Pastaj shtohet lëpjetë ose spinaq i larë e i prerë në copa : rregullohet me kripë, piper, kopër e majdanoz të grirë hollë dhe me pak uthull. Është mirë që, kur supa të vendoset në pjatë, të hidhen vezë të ziera fort e të prera në katërsh.

Për 4-5 persona duhen:
lëng mishi ose ujë 1.5 litra, yndyrë 1 filxhan kafeje, qepë 1 kokërr, karota 2-3 copë, 1 rrënjë selino, miell 1 lugë kafeje, patate 2-3 copë, spinaq ose lëpjetë 300 g, vezë 2 kokrra, uthull 2 lugë gjelle, kripë, piper, majdanoz e kopër.


Supë me lulelakër

Të bardhat e preshve priten në copa me gjatësi 2-3 cm dhe kaurdisen pak. Në lëng mishi ose ujë të vluar hidhen preshtë e kaurdisur, lulelakra e copëtuar në lule të veçanta, patatet e prera në kubikë dhe zihen 10-15 minuta. Në fund të zierjes shtohet kripë, piper, bizele të njoma të ziera veçan dhe rregullohen me mejdanoz të grirë imët. Kjo supë, sipas dëshirës mund të pritet me vezë e limon.

Për 4-5 persona duhen:
lëng mishi ose ujë 1.5 litra, lulelakër 300 g, presh 2-3 copë mesatare, patate 2-3 kokrra, bizele të ziera 1/2 gotë, gjalpë ose vaj 1 filxhan kafeje, kripë, piper, majdanoz.


Supë peshku me perime

Patatet, karotat, mashurkat dhe selinoja, pastrohen e priten në copa kubike. Në tenxhere me vaj (mundësisht vaj ulliri) kaurdiset qepa e grirë hollë, pastaj shtohen karotat, selinoja, mashurkat, pak miell dhe pasi kaurdisen shtohen domate të freskëta të cilave u është pastruar lëkura. Lëngu i peshkut i përgatitur qysh më parë dhe i kulluar i hidhet përzierjes dhe lihet të marrë valë, shtohen patatet dhe lihen të ziejnë rreth 10-15 minuta derisa të jenë gati. Gjatë zierjes hidhet një fletë dafine. Supa rregullohet me kripë, piper e majdanoz. Gjatë vendosjes në pjatë hidhen copa tul peshku të ziera e të pastruara nga halat.

Për 4-5 persona duhen:
lëng peshku 1.5 litra, patate 2-3 kokrra, karota 3-4 copë, mashurka 8-10 copë, selino, vaj 3-4 lugë gjelle, domate 2 kokrra, kripë, piper, majdanoz, dafinë.

Supë me perime

Patatet, karotat, kungulleshkat, selinoja dhe mashurkat e njoma pastrohen e priten në copa kubike mesatare: veç pastrohen bizelet e njoma kokërr.
Në tenxhere me yndyrë kaurdiset qepa, shtohen karotat, kungulleshkat, selinoja. Pas kaurdisjes shtohen domatet e freskëta të grira hollë ose pak salcë. Në perimët e kaurdisura hidhet lëng mishi ose ujë i vluar dhe sa të marrin valën shtohen zarzavatet e tjera sipas kohës së zierjes. Në fillim mashurkat e bizelet, pastaj patatet. Supa lihet të ziejë 15-20 minuta, rregullohet me kripë, piper, fletë dafine dhe majdanoz të grirë hollë. Në rast se bizelet e mashurkat nuk janë shumë të njoma, ato më parë duhet të ziejnë në ujë të vluar për disa minuta dhe pastaj t'i hidhen supës.

Për 4-5 persona duhen:
lëng mishi ose ujë 1.5 litra, patate 2-3 kokrra mesatare, karota 3-4 copë, kungulleshka 1 copë, bizele kokërr 1/2 gotë, mashurka 8 copë, selino 1 kokërr, yndyrë 1 filxhan kafeje, qepë 1 kokërr, domate 2-3 kokrra ose salcë gjysmë luge, kripë, piper, majdanoz, dafinë

Corbë orizi me gjoks dashi


Për 4-5 persona duhen:
mish dashi 300 g , oriz 3 lugë gjelle, qepë 1 kokërr, gjalpë 50 g, ose 1 lugë gjelle, dhjamë dashi 50 g, hudhra 3-4 thelpinj, domate 2 kokrra, spec djegës, kopër, majdanoz.


Mishi i dashit ose i deles , mundësisht pjesa e gjoksit , pritet në copa kubike të vogla dhe vihet të ziejë. Pasi të ketë marrë valë, hiqet shkuma dhe lihet të ziejë në zjarr të ngadaltë rreth 1 orë. I shtohet oriz si dhe qepë të grira hollë. Ziejnë për 30 minuta të tjera derisa orizi të jetë gati.
Veçan, në një tigan me gjalpë, shtohet dhjamë dashi i prerë në copa të vogla, kaurdiset pak, shtohen domate të grira hollë, të pastruara nga cipa, ose salcë domatesh dhe spec djegës. Tigani hiqet nga zjarri dhe përzihet me hudhra të shtypura. Në këtë përzierje hidhet pak nga pak lëng supe dhe kur salca është gati hidhet në supë. Supa vihet përsëri të marrë një valë dhe pas kësaj është e gatshme. Gjatë ndarjes në pjatë hidhet majdanoz e kopër e grirë imët.

Paçe plënci, me vezë e limon


Plënci lahet me ujë të ftohtë, pervëlohet me ujë të vluar për 30 sekonda, pastrohet nga shtresa e brend- shme derisa të zbardhet, lahet mirë dh-e vendoset në ujë të ftohtë për tu zier. Gjate zierj-es, hidhen perime
aromatike, qepë të pj-ekura mbi sobë, karota, rrënjë selmo, kripë dhe piper.

Pasi keto të kenë zier, plënci pritet në copa të vogla dhe përgatitet paçja. Për këtë, në .një tenxhere hi- dhet yndyrë dhe pasi ajo të jetë nxehur shtohet miell, kaurdiset derisa të zverdhet pak dhe pastaj shtohen plën-
cat e zier. Kaurdisen përsëri së bashku dhe hidhet lëng i kulluar nga zierja e plëncave. Lihen të ziejnë në zjarr të javashëm për 10-15 minuta. Në fund rregullohen me vezë e limon. Në një e.në porcelani rrihen vezët, hollo-
hen pak e aiga pak me lëngun e paçes, shtohet limon ose limontoz i tretur në ujë dhe hidhen te paçja. Gjatë vendosjes nëpër pjata paçes mund ti hidhet sipas dëshirës piper i zi.

Për 4-5 persona duhen;

Plënca 1,5 kg, dhjamë ose gjalpë 50 gr, miell 1 lugë gjelle, vezë 1 kokërr, qepë 1 kokërr, karota 2-3 copë limon 1/2 kokërr mesatare ose 1/2 lugë kafeje limontoz, piper i zi, kripë.

Sallate me mishe pule



Perberja: per 6 persona

- gjioks pule 50gr
- arra 50gr
- vaj ulliri
- sallate 100gr
- kripe dhe piper
- karrota
- tranguj


Përgatitja: Zini gjoksin e pules me uie aromantizuar me zarzavate.
Lani sallaten, stoni karrotat te prere te vogla, tranguj.

Mbasi eshte zier gjoksi i pules e prismi ate ne copa te medha dhe e sistemoni mbi sallaten, nderko grini ne nje mix arrat, shtoni leng limoni, vaj, krip dhe piper. Mbasi e keni grire mire hidheni ate mbi sallaten dhe e sherbeni.

Sallate Shef



Marrim sallate jeshile, domate, kasraveca.
Pasi ti kemi lare, i presim ato ne nje tas te thelle qelqi.
Shtojme peshk ton dhe djathe te bute picash, ose mocarela, te prere ne kubike mesatare dhe ullinj.
Siper hedhim salce shef ( nje perzierje e majonezes me kechup) , sigurisht kripe e vaj ulliri sipas deshires

Sallate jeshile


Sallata jeshile pastrohet nga fletët e dëmtuara, ndahet në gjethe dhe zhytet në sasi të madhe uji për t'u larë. Është mirë të mbahet gjysmë ore në ujë; pastaj të kullohet dhe të zhytet përsëri në ujë të pastërt. Në këtë mënyrë uji ndërrohet 3-4 herë derisa të dalë i kulluar.
Sallata e larë pritet 10-15 minuta para ngrënies, sepse në rast të kundërt ajo vyshket dhe humbet pamjen e saj të freskët. Sallata pritet në fije të holla, në këtë mënyrë bëhet më e bukur dhe më e shijshme, spërkatet me vaj, uthull, kripë dhe kopër të grirë hollë; përzihet me kujdes me dy pirunj dhe vendoset në mes të pjatës. Sipër i hidhen qepë të njoma të grira hollë.


Për 500 g sallatë jeshile duhen:
3-4 lugë gjelle vaj, uthull 2 lugë gjelle, kopër 4-5 fije, qepë 2-3 copë dhe kripë.




Sallatë me domate e kastraveca

Kastravecat e njomë lahen mirë, u pritet maja dhe bishti, ndërsa të mëdhenjtë qërohen, priten rrumbullak dhe vendosen në mes të pjatës në formë shkalle. Rreth e qark vihen domate të prera në formë rrathësh, qepë të grira hollë të përziera me majdanoz, me vaj e uthull dhe kripë.

Për 500 g kastraveca e domate duhen:
vaj 3-4 lugë gjelle, uthull 2 lugë, qepë 2 kokrra, majdanoz 2-3 fije, kripë.



Sallatë me speca të pjekur

Për këte sallatë zgjidhen speca të mëdha me tul, piqen në zjarr të ngadalshëm dhe pasi të jenë pjekur u hiqet cipa dhe farëzat. Priten në formë rripash, vendosen në pjatë, u hidhet vaj ulliri, uthull, kripë dhe hudhra të shtypura.

Përberja:

Për 1 kg. speca duhen:
Vaj ulliri 4-5 lugë,
uthull 2-3 lugë,
hudhra 1 kokërr,
kripë,piper sipas deshirës


Sallate brokulli me ullinj



Perberesit per 4 - 6 persona:

1 tufe brokolli,5 kokrrra ullinj ,1/2 limoni,2 luge vaj ulliri,1 luge fara susami,kripe sipas deshires.


Pergatitja

Pastroni brokollin dhe priteni ne copa te vogla. Zihet derisa te humbasin fortesine, por jo ngjyren e forte jeshile. Kjo duhet te zgjase rreth shtate minuta, ne varesi te freskise se brokollit. Nderkohe qe brokolli po zien, hiqni farat e ullinjve dhe me pas pritini ne rrathe te vegjel.
Hiqeni brokollin nga zjarri dhe vendoseni ne nje pjatance. Shtoni lekuren e grire te limonit dhe ullinjte. Sperkateni me farat e susamit,dhe shtoni vajin dhe lengun e limonit. Hidhni kripe sipas deshires dhe perzieni mire.

Sallate me kerpudha


Nevojiten:

1 marule 2 kokrra veze
1 tufe selino 1 ls mustradë
2 endivi 1 ls uthull
100 g panxhar i kuq 3 ls vaj
100 g kerpudha nenexhik
proshutë kripë , piper


1. Lahen me kujdes sallata , endivitë , selinoja dhe fshihen mire.
2. Pritet panxhari ne copa te vogla.

3. Qërohen kerpudhat , lahen dhe thahen.

4. Zihen vezët fort dhe qërohen.

5. Ne nje sallatiere pregatitet salca: trazohet mustarda ne uthull. Hidhet kripe e piper. Trazohen mire sa te tretet kripa. Shtohet vaji dhe trazohen fort derisa te behet kremoze.

6. Priten kerpudhat ne feta te holla , grihet selinoja , shfletohen endivitë dhe priten. Hidhen te gjitha ne tasin e sallates se bashku me copat e panxharit dhe gjethet e marules. Perzihen.

7. Priten vezet ne feta rrumbullake , copat e proshutes ne feta te holla dhe hidhen siper sallates. Hidhet siper nenexhik ose ne mungese te tij , majdanoz.

Sallate me Patellxhanë


Nevojiten:

1/2 patellxhanë
2 ls vaj
1 ls uthull
disa thelpinj hudher
kripe , piper
majdanoz
speca te pjekura
domate.


1. Patellxhanet e paqeruar piqen ne furre dhe pastaj pastrohen nga lekura.
2. Pjesa e mbetur grihet holle dhe kalohet ne rrjet metalike.
3. Pureja e krijuar vendoset ne nje tas porcelani , shtohen hudhrat e shtypura , majdanozi i grire holle , kripa piperi , vaji dhe uthulla.
4. Masa perzihet mire me luge druri , derisa te behet homogjene.
5. Vendoset ne pjata dhe zbukurohet me speca te pjekura e te qeruara , me domate te fresketa dhe ne fund , sperkatet me vaj ulliri.

Lakër turshi e grirë


Për 5 kg lakër duhen:

kripë 1 filxhan çaji, ujë 7-8 gota.



Lakra pastrohet nga gjethet e jashtme, ndahet përgjysmë dhe pritet. Merret mundësisht enë druri dhe në pamundësi te saj,marret ene balte ose qelqi dhe vendoset lakra. Sipas dëshirës mund t'i hedhim edhe panxhar ose karrota të prera në fije. I vëmë një peshë sipër (gur te paster) dhe hedhim shëllirën e përgatitur. E lëmë në vend të freskët. Pas 10-15 ditësh lakra është gati.




Speca turshi


Për 10 kg speca duhen:

kripë 2 filxhanë çaji, ujë 5 litra, kopër disa fije, uthull mund t'i hidhet ose jo sipas dëshirës.


Përgatitet më parë shëllira dhe lihet të ftohet. Specat merren jeshile ose të verdha. Në fundin e enës vihen gjethe dushku, kopër ose selino, dhe specat vihen të ngjeshura njëra pranë tjetrës. Në çdo 4-5 rreshta hidhet kopër ose selino, vihet peshë, hidhet shëllira, lidhet sipër me napë dhe vihet në vend të freskët. Herë pas here tundet ena që të ulen specat.
Turshia është gati pas 25-30 ditësh.