Kunguj tavë me djathe e salcë

Për 4 persona:

Kunguj 800 gr, mocarela 150 gr, djath kaçkavall i fortë 4 lugë gjelle i grirë, gjalp 20 gr, 1 kuti me domate pa lëkurë rreth 400 gr, qepë e grirë 1 kokërr, borzilok, 1 thelpi hudhër, 4 lugë gjelle vaj ulliri, kripë, piper e vaj vegjetal për skuqje.

Kungujt i presim në feta dhe i skuqim. I vendosim në letër thithëse kuzhine që t'i thithin yndyrën.

Skuqim me vaj ulliri qepën dhe hudhrën e shtypur, pastaj shtojmë domatet egrira. I përziejmë sa të bëhet masë homogjene për 10'. Shtojmë kripë, piper. Lyejmë tavën me vaj ulliri dhe shtrojmë një shtresë me salcë dhe mbi të një shtresë feta kungulli. Sipër shtrojmë prapë një shtresë salcë, kaçkavall i grirë dhe 4 feta mocarela dhe borzilok. Kështu veprojmë për të gjithë sasinë e salcës dhe kungujve, ku pjesa e fundit të jetë me kaçkavall të grirë e mocarela dhe borzilok. I vendosim copa gjalpi. I pjekim për 15' derisa djathi të jetë skuqur.

Shoqërohet me verë të kuqe.
E njëjta recetë përdoret edhe kur në vend të kungujve vendosim patëllxhanë.

Kaneloni me mish të grirë


Koha e përgatitjes 2 orë
Koha e ardhjes së brumit 1 orë
Koha e pjekjes 1 orë e 15', me 200 gradë celcius


Për 4 persona:

Për brumin: 300 gr miell, 3 vezë, 1 lugë vaj ulliri

Për mbushjen: 200 gr mish viçi ose derri i grirë, 20 gr kërpudha, 50 gr gjalp, ½ kokërr qepë e grirë, 2 vezë, 100 gr kaçkavall i grirë, 1 gotë verë e bardhë, 3 domate të pjekura pa lëkurë e pa fara, lëng mishi, pak arrë, kripë, piper

Për salcën beshamel: 50 gr gjalp, ¼ litër qumësht, 2 lugë miell, pak arrë, kripë, piper.

Përgatitja e brumit: me miellin, vezët, vajin e ullirit i përziejmë deri sa të bëhet brumi i butë, e punojmë disa herë fort dhe e lëmë për 1 orë të mbuluar me një pecetë në vend të freskët.

Pastaj e hapim me rul një petë të hollë dhe e presim në forma drejtkëndore me gjerësi 6 cm e gjatësi 4 cm (duhet të marrim gjithsej 16 drejtkëndësha të vegjël).

Këta drejtkëndësha i ziejmë me ujë të vluar për 3-4 minuta dhe i kullojmë, pastaj i vendosim në një enë me ujë të ftohtë. I kullojmë dhe i vëmë në një picetë të thatë.

Skuqim qepën e grirë me gjalp, shtrojmë mishin e grirë, më vonë vezën dhe kur kjo të avullojë, shtojmë domatet e prera në kubikë. Hedhim kripë, piper ose moskat dhe i lëmë 10', e pastaj shtrojmë kërpudhat e grira. E ziejmë duke i shtuar lëngun e mishit derisa të dali një masë e trashë, pastaj hedhim kaçkavallin e grirë dhe vezët, përzihet.

Secila petë drejtkëndëshe mbushet me pak kimë, bëhet role dhe i shtrojmë në tavë. Kështu veprojmë me të gjithë sasinë e petëve. Përgatisim salcën beshamel me qumësht e miell, gjalp sa të bëhet salcë e trashë. Shtojmë kripë, piper e arrë moskati dhe e lëmë për 10' në zjarr duke e trazuar.

Me këtë salcë mbulojmë kanelonet. Sipër shtrojmë kaçkavall të grirë dhe copa gjalpi. I pjekim sa të marrin ngjyrë të kuqerremtë. Serviret e ngrohtë. Shoqërohet me verë të kuqe.

Paçe plënsi, me vezë e limon

Plënci lahet me ujë të ftohtë, pervëlohet me ujë të vluar për 30 sekonda, pastrohet nga shtresa e brend- shme derisa të zbardhet, lahet mirë dh-e vendoset në ujë të ftohtë për tu zier. Gjate zierj-es, hidhen perime aromatike, qepë të pj-ekura mbi sobë, karota, rrënjë selmo, kripë dhe piper.

Pasi keto të kenë zier, plënci pritet në copa të vogla dhe përgatitet paçja. Për këtë, në .një tenxhere hidhet yndyrë dhe pasi ajo të jetë nxehur shtohet miell, kaurdiset derisa të zverdhet pak dhe pastaj shtohen plën-
cat e zier. Kaurdisen përsëri së bashku dhe hidhet lëng i kulluar nga zierja e plëncave. Lihen të ziejnë në zjarr të javashëm për 10-15 minuta. Në fund rregullohen me vezë e limon. Në një e.në porcelani rrihen vezët, hollo-
hen pak e aiga pak me lëngun e paçes, shtohet limon ose limontoz i tretur në ujë dhe hidhen te paçja. Gjatë vendosjes nëpër pjata paçes mund ti hidhet sipas dëshirës piper i zi.

Për 4-5 persona duhen:

Plënca 1,5 kg, dhjamë ose gjalpë 50 gr, miell 1 lugë gjelle, vezë 1 kokërr, qepë 1 kokërr, karota 2-3 copë limon 1/2 kokërr mesatare ose 1/2 lugë kafeje limontoz, piper i zi, kripë.

Paçe plënsi me salcë


Plënci pastrohet dhe vihet të ziejë njëlloj si më sipër. Në një tenxhere rne yndyrë kaurdiset miell, lishtohet pak salcë dhe hidhet lëngu i fituar nga zierja e plëncave. Kur lëngu të marrë valë shtohen plëncat e zier të grirë në copa të vogla, pak spec i kuq, dhe lihen të ziejnë në zjarrr të javashëm për disa minuta, duke i hedhur kripë e piper të zi. Gjatë ndarjes në pjata paçes 1 hidhen hu-
dhra të shtypura me uthull.

Për 4-5 persona duhen:

Lëng plënci 1 litër, plënca 1,5 kg, dhjamë ose yndyrë 50 gr, miell 1 lugë kafeje, salcë 1/2 lugë kafeje, spec djeges,
kripë, karota 2-3 copë, uthull 2-3 lugë, hudhra 4-5 thelpinj, qepë 1 kokërr, selino, majdanoz.

Speca te mbushur



Per 6 persona:

15 speca jeshile ose te kuqe
1 kg mish i bluar
2 qepe mesatare (te bluara me makine)
1 gote oriz
vaj
2 karrota (te bluara me makine mishi)
1 thelb hudhre (i bluar)
krip,vegete,piper te zi edhe piper me fara bene edhe te kuqe




Qepet ne vaj kaurdisen mire, i hedhim mishin ,orizin, karrotat ,hudhren ,piper te kuq , piper te zi dhe vegete ,te gjitha keto i perzijme mire ,marrim specat i pastrojme, u heqim farat dhe i mbushim ,i rendisim ne nje tepsi, hedhim siper pak vaj , pak uje dhe i fusim ne furre ,mbas nja 15 minutave i nxjerrim jashte, dhe i kthejme ne anen tjeter, keshtu lihen edhe 15 ,apo 20 minuta deri sa te jene gati.

Serviret me kos dhe sallate.

Mashurka me patate



Nevojiten:

1 kg mashurka të njoma
1 qepë të madhe, të grirë hollë
4 patate
2 thelpinj hudhta rë grira
3 domate
pak majdanoz të grirë hollë
pak sheqer
vaj ulliri
kripë e piper


Pastroni mashurkat dhe ndajini më dysh nëse janë shumë të gjata. Në një tenxhere kaurdisni qepën në vaj, shtoni hudhrën, mashurkat, domatet, sheqerin dhe majdanozin. Hidhni pak ujë dhe lërini mashurkat në zjarr të ngadaltë për 20 min. Në fund shtoni patatet e ndara më katërsh, rregulloni me kripë e piper dhe lëreni gjellën të ziejë derisa të mbetet me pak lëng.

Kungulleshka me erëza


Nevojiten:

1 1/2 kg kungulleshka të prera në feta
3 gjethe dafinë
6 thelpinj hudhra
1 degë rozmarinë
1 filxhan uthull
1/2 domate të prerë hollë
1 qepë të prerë hollë
1 dru kanellë
1 filxhan të vogël vaj
pak kopër
kripë e piper


Në një tenxhere kaurdisim qepën në vaj dhe shtojmë të gjitha lëndët e tjera, përveç koprës. Mbushim një tenxhere me ujë derisa të mbulohet gjella dhe sapo të fillojë të marrë valë, e ulim zjarrin, e mbulojmë me kapak dhe e lëmë të ziejë ngadalë. Gjellën e nxjerrim me pak lëng. Shtojmë kopër të grirë hollë 2 min para se të jetë gati gjella.

Biftek me mish të grirë


Mishi duhet të pastrohet nga cipat dhe damarët. Më pas pritet në copa të vogla dhe kalohet ne makinë, bashke me dhjame lope. I hidhet kripe, piper, pak ujë dhe duke e përzier formohet një masë, nga e cila përgatiten cope atë rrumbullakta e te sheshta me trashesi gati 2 cm, dhe skuqen ne tigan me yndyre te nxehte nga te dyja anet.Shtohen qepet e grira ne formë rrethi dhe herë pas herë përzihen.Pasi bifteket skuqen, vendosen nëpër pjata se bashku me qepet.Si garniture mund te vendosen patate ose perime te tjera te ziera.


Për 4-5 persona duhen:

mish i grire
50 gr dhjame
1 falxhan kafeje me ujë
4-5 kokrra qepë
3-4 luge gjelle yndyre
kripe dhe piper i zi.

Tave me patate


Ingredientet : Per 4 persona
- 1 kg patate gjelle
- 300 gr mish derri i tymosur
- 12 qepe te vogla
- 2 thelpa hudhre
- 1 buqete majdanoz
- 1 luge miell
- 1 gote leng mishi
- ereza, piper dhe kripe


Pergatitja:

Hiqini koren nga mishi i tymosur i derrit, dhe prijeni ne copa me madhesine si ne figure. Lerini copat per 5 minuta ne nje uje te pakripur. Merrini me pas copat e mishit me nje luge kulluese dhe vendosini ne nje leter kuzhine qe te kullojne. Ngrohni nje tigan ne nje zjarr te bute per 2 minuta dhe me pas vendosni copat e mishit qe te shkrijne ne te.


Qeroni qepet dhe prijini ne feta te holla si unaze. Qeroni edhe lekurat e thelpave te hudhrave dhe shtypini me anen e sheshte te nje thike. Hidheni hudhren ne mish sapo te behet i shkelqyeshem, hidhini dhe unazat e qepeve dhe ngrijeni me shume zjarrin. Skuqini per 3 minuta derisa te leshoje arome. Me pas hidhini gjithe qepet dhe skuqini derisa te nisin te marrin ngjyre.
Nxirrni hudhrat, qepet dhe copat e mishit nga tigani. Hidhini lugen me miell lengut dhe lereni kete salce baze te ngjyroset pak. Shtojini pak ereza, pak vere, hidhini serish copat e mishit, hudhrat dhe qepet dhe ngrohini serish ne nje zjarr te bute, duke i trazuar rregullisht. Hidhini gjysem gote leng mishi, por bejeni kete pak nga pak qe salca te mos behet shume e trashe.

Qeroni dhe pastroni patatet, (mos i lini ne uje ku mund te ikin vitaminat). Prijini ato ne copa te medha dhe thajini me leter kuzhine, qe t'u iki lengu. Hidhini patatet ne tigan dhe shtojini pak kripe dhe piper siper. Hidhini siper lengun e mishit qe ngeli ne gote pasi te kene zene vend patatet dhe me pas buqeten me majdanoz persiper. Verini kapakun tiganit dhe lerini patatet te vlojne perbrenda derisa te jene gatuar mire pas rreth 20 minutash.

Eskallop me domate dhe vere



Ingredientet per 4-5 persona:

1- 1 kg mish vici , tul
2- 4 kokrra qepe te thata mesatare
3- 6 thelbinj hurdher
4- 3-4 luge salce domateje
5- 4 domate te pjekura mire, te forta
6- 1 gote vere e kuqe
7- majdanoz i fresket
8- vaj vegjetal
9- kripe e piper sipas deshires
10- 2 gjethe dafine


Pergatitja:

Presim mishin ne bifteke me madhesi mesatare, i rrahim me rrahesin e kuzhines, i kriposim me kripe e piper dhe i skuqim pak ne nje tigan me pak yndyre ne zjarr te avashte. Copat e mishit te pjekura i vendosim ne nje tave drejtkendeshe pak te thelle, duke i renditur ne rregull.

Pasi kemi perfunduar skuqjen e mishit, ne ate tigan shtojme sasine e vajit dhe skuqim qepen qe e kemi prere ne rripa te holle. Pasi te jete skuqur qepa , shtojme hurdhrat e grira, salcen e domateve , dhe te gjitha keto i shuajme me veren e kuqe.

I hedhim kripe e piper , gjethet e dafines, i mbulojme me kapak dhe e leme salcen te zieje per rreth 10 min ne zjarr te ngadalte.

Pasi salca te jete bere e hedhim ne taven ku me pare kishim vendosur copat e mishit, duke e shperndare ne menyre uniforme.

Marrim domatet, dhe i presim ne rrathe me trashesi 2-3 mm. Me to mbulojme te gjithe taven dhe e pjekim ne furren e nxehur me pare per rreth 15 min.

E heqim nga furri dhe kur te servirim eskallopin i hedhim siper majdanoz te grire holle.

Kryesisht shoqerohet me vere te kuqe

Musaka me perime te ndryshme

per 5-6 persona


patate 3-4 kokrra mesatare, 2 patellxhana, 2-3 kunguj te njome.

mish i grire350gr., qepe 1-2 kokrra, 2-3 htelpinj hudher, 2-3 domate ose salce, kripe, piper, dafine, majdanoz i grire holle.

per salcen beshamel: 1 l qumesht, 5 luge gjelle miell, 4 kokrra veze, 2-3 luge gjalpe, kripe.
Ne nje tenxhere kaurdisim qepet me mishin dhe erzat, shtojme domaten ose salcen, dhe e leme te zieje, sipas deshires mund ti shtohet dhe nje gjysme gote vere dhe uje gjate zierjes. Duhet qe ne fund te zierjes masa te mos ngelet shume e lengshme.

Nderkohe qerojme dhe grijme patatet ne feta te holla, 3-4 mm, i sperkasim me pak vaj dhe kripe dhe i gjysme-pjekim ne furre per rreth 15-20 min. Njelloj veprojme edhe per patellxhanet, te cilet pasi i presim ne feta te holla gjatesore i vendosim per 15 min. ne uje me kripe, pastaj i shpelajme dhe shtrydhim dhe i pjekim per pak minuta ne furre duke i sperkatur me pak vaj, edhe kungujt po ashtu. Ne nje tave shtrojme ne fillim nje shtrese me patatet qe kemi pergatitur, hedhim gjysmen e mishit te grire te pergatitur dhe e sperkasim me majdanoz dhe me djathe te bardhe nese kemi deshire, pastaj shtrojme ne nje shtrese patellxhanat e pergatitur, perseri mishin e ngelur dhe majdanoz dhe ne fund kungujt. kesaj tave i hedhim siper salcen beshamel te pergatitur si me poshte:

Veme te zieje trecerekun e qumeshtit ndrkohe qe ne nje tas perziejme miellin me qumeshtin e ngelur. Kur qumeshti tjeter te kete zier e hedhim ne te miellin e tretur dhe e trazojme shpejt me nje rrahese(tel) ose spatul derisa te krijohet nje krem i trashe, shtojme kripe sipas deshires dhe gjalpin, dhe pasi ta kemi hequr tenxheren menjane shtojme nje nga nje edhe vezet. Mund te shtojme arre moskat per arome(nutmeg).

Salcen e mesiperme e hedhim mbi perimet e pergatitura, i grijme persiper pak djathe kackavall dhe e pjekim per 30-40 minuta ne furre te nxehur paraprakisht ne 220 grade.

(receta tradicionale kerkon qe perimet te skuqen ne tigan me yndyre, por une e kam transformuar pakez per hir te yndyres se tepert)

Zogj të tiganisur me domate


Për 4-5 persona duhen:

zogj 500-600 g, miell 1 lugë gjelle, domate 2-3 kokrra, verë një filxhan kafeje, gjalpë 50 g, kripë, piper i zi, majdanoz i grirë hollë, patate sipas dëshirës.



Zogjtë pastrohen nga puplat, përcëllohen, u hiqen të brendshmet, lahen dhe priten në katër pjesë. Çdo copë kalohet në miell dhe skuqet nga të dyja anët në tigan me gjalpë, pastaj hidhen domate të qëruara dhe të prera në kubikë të vegjël, kaurdisen pak, shuhen me verë, hidhet kripë, piper i zi dhe pak ujë.

Lihen në zjarr të mbuluar me kapak 10-15 minuta dhe pastaj vendosen në pjatë, mbi to hidhet lëngu i vet dhe anës garniturë me patate të ziera të kaluara në tigan me gjalpë. Pastaj hidhet majdanoz i grirë hollë.

Qofte me domate



2 luge qepe e grire holle
60 ml vaj ulliri
450 gr domate te fresketa
6 gjethe berzilloku
kripe e piper i bluar
125 gr buke e grire
60 ml. qumesht
450 gr mish i bluar viçi
125 gr djathe deleje
2 veze te rrahura
2 luge majdanoz
2 thelpinje hudher


Ne nje tenxhere te madhe skuqni qepen ne vaj dhe shtoni domatet e berzillokun ,hidhni kripe e piper dhe zijeni ne zjarr te ngadalte per 10 minuta..Ne nje tas per perzieni buken e therrmuar me qumesht dhe shtoni mishin e grire ,djathin vezet majdanozin dhe hudhren.Hidhni kripe e piper dhe perzijeni qe te bashkohen ne nje te gjithe perberesit .Me kete perzierje beni qofte dhe vendosini ne salcen e domateve .Lerini ne zjarr te ngadalshem per 20-25 minuta duke i kthyer me kujdes.
Sherbehen te nxehta

Tave dheu me melci



Nevojiten:

Tava e dheut
Gjize
Melci(te prera copa-copa)
Qepe(te thata)
Vaj
Piper(te zi , jo te kuq)
Kripe
Gjalpe
Hudhra


Skuqim mire ne nje tigan me yndyre melcite ose (mishin dhe gjendrat e qingjit) .

Pasi te jene skuqur i hedhim qepe te vogel te grire holle dhe i skuqim derisa kjo e fundit te jete zbutur dhe bere ngjyre bezhe(me kujdes qe te mos digjet gjate skuqjes shtojini nga pak uje)

Ne tigan shtojme gjize,spec te kuq djeges dhe hudhra te shtypura.
Qe te mos dale e tharte gjiza duhet te jete e embel.
Masen e pergatitur e hedhim ne tave dheu, i hedhim siper pak piper, pak gjalpe dhe e vendosim ne furre.
Piqet ne furre per 10 minuta.

Mish qengji me makarona




Mish qengji, 1 kofshë
Vaj për skuqje, 2 lugë gjelle dhe një lugë për salcën
Qepë të thata, 4 copë
Karota, 3 copë
Selino, 2 degëza
Domate, 2 copë
Sallam, 150 gram
Gjalpë, 2 lugë gjelle
Kërpudha, 150 gramë
Verë e kuqe , 500 mililitra
Salcë domatesh, 400 gramë
Kripë, majdanoz, sipas dëshirës
Makarona
koncentrat supe për 600 mililitra.


Përgatitja:


Skuqeni mishin nga të gjitha anët derisa të marrë një ngjyrë të këndshme ari. Qepën, erëzat, domatet e sallamin grijini hollë dhe skuqini për 15 minuta, duke i trazuar vazhdimisht. Pastaj hidhni verën, salcën e domateve dhe gjithë perimet e kërpudhat. Zieni për 10 minuta në lëngun e perimeve. Hidhni atje 150 gramë makarona. Ziejini.
Mishin e skuqur mbulojeni me kapak dhe futeni në furrë në 170 gradë. Lëreni derisa të përgatitet përfundimisht. Në fund, priteni në copa dhe servireni me makaronat dhe perimet e ziera së bashku, duke e zbukuruar me majdanoz

Byrek me djathë dhe qepë



Materialet për 8 persona;


● 1 pako petë të gatshme
● 100 ml. krem qumështi
● 1 filxhan çaji gjalpë
● 200 gr. djathë (preferohet dy llojesh)
● 1 qepë e freskët
● 2 presh
● 6 vezë
● 150 gr. djathë kaçkavall, kripë, piper i freskët.



Përgatitja



Vendosni qepët dhe preshtë në një enë ku keni hedhur ujë dhe kripë e i lini për 10 minuta. Më pas i kulloni dhe i skuqni. Në vazhdim i hiqni nga zjarri dhe shtoni djathin të shkrirë me pirun dhe kaçkavallin e grirë.

Rrihni vezët me kremin e qumështit dhe i shtoni në masën e mësipërme. E përzieni mirë dhe hidhni kripë e piper. Shtroni gjysmën e petëve (të lyera me gjalpë) në një tepsi të rrumbullakët dhe vendosni mbi të masën e përgatitur. Më pas shtroni edhe gjysmën tjetër të petëve, duke i lyer një nga një me gjalpë. Me petët që dalin jashtë tepsisë krijoni një kore të trashë rreth e rrotull. E lyeni byrekun me pjesën e mbetur të gjalpit dhe më pas e piqni në furrë në temperaturë 200 gradë celsius për rreth 1 orë

Peshk me feta domate e portokalli


Për 4 – 5 persona: peshk 1 kg, domate 4 kokrra, patate 10 kokrra mesatare, portokalle e limon nga 1 kokërr, 1 gotë vaji, 1 gotë vere, 2 lugë majdanoz të grirë hollë, galetë e bluar, hudhra 3-4 thelpinj, kripë e piper sipas dëshirës.


Pergatitja:

Pastrojmë peshkun me ujë të bollshëm, e kullojmë, e thajmë me pecetë dhe e vendosim në pjatancë duke e kriposur nga të gjitha anët. Në enë porcelani hedhim verën, vajin, lëngun e limonit të prerë hollë, lëngun e dy domateve të grira, hudhrën e prerë hollë, piper, kripë sipas dëshirës, dhe e punojmë me tel deri sa të bëhet një masë e njëjtë.


Në një pjatë hedhim majdanozin e grimcuar dhe e përziejmë me galetën e bluar. Në tavë hedhim një shtresë nga masa e parë dhe mbi të majdanozin me galetën e bluar. Sipër vendoset peshku, i cili spërkatet me masën e parë dhe të dytë. Presim domatet dhe portokallin në feta rrethore simetrike duke mbuluar gjithë sipërfaqen e peshkut. E pjekim në furrë me nxehtësi mesatare për 20 – 30 minuta duke e spërkatur herë pas here me lëngun e tij. Pas pjekjes e vendosim në pjatancë dhe anash vendosim patatet e ziera e të spërkatura me majdanoz. Salcës së mbetur në tavë i jepet një valë për 3 – 4 min. Më pas i hidhet sipër peshkut. Shërbehet sipas dëshirës, e ftohtë ose e ngrohtë.

Midhje jahni


Për 4-5 persona duhen:


Midhje me guackë 3-4 kg ose 2 vazo të gatshme,
4-5 lugë gjelle vaj
2 kokrra qepe
3-4 kokrra domate
3-4 thelpinj hudhre
kripë, piper, majdanoz, dafinë 1 fletë.


Në nje tenxhere me yndyrë hidhen qepë të grira hollë, kaurdisen pak dhe pas 5 minutash shtohen midhjet, hidhen domate të freskëta të grira hollë, kripë, piper e fletë dafine. Këto hollohen pak me lëngun që merret nga zierja e midhjeve dhe lihen të ziejnë në zjarr të ngadalshëm për 10-15 minuta. Në fund të zierjes shtohen hudhra të shtypura dhe majdanoz të grirë hollë. Kjo gjellë serviret me lëngun e vet ose me makarona e pilaf.

Karkalece deti



Për dy persona


Per kete pjate nevojiten:

250 g karkaleca deti te pastruar
2,5 dl krem qumeshti (panna, sanne)
2 dl vere e bardhe (gatimi)
dy thelbinj hudhre te shtypur
1 luge gjalpe gatimi
kripe
majdanoz


Pergatitja:


Karkalecat skuqen ne gjalpe se bashku me hudhrat e shtypura. Shuhen me veren e bardhe. Shtohet kremi i qumeshtit dhe lihen ne zjarr te ngadalshem derisa kremi te trashet paksa. Shtohet kripe dhe majdanoz.Sherbehen te nxehte.

Tave dheu me karkaleca deti dhe krem



Perberesit :

- gjalpe 50 gr
- karkaleca 200 gr
- miell 40 gr
- krem qumeshti 200 gr
- djathe 100 gr


Pergatitja :

Gjeja e pare qe behet eshte te ngrohen tavat e dheut ne 220 grade .

Si fillim skuqen karkalecat me gjalpe dhe pas 10 min shtohet edhe mielli . Trazohen derisa edhe mielli te skuqet pak dhe me pas shtohet krem qumeshti . Nese kremi nuk eshte shume i lengshem mund te hollohet me qumesht . Lihen vetem per pak minuta se bashku dhe me pas shtohet djathi kackavall i cili duhet te jete i grire ne menyre qe te shkrihet . Lihen ne zjarr per nja 5 min dhe me pas e gjithe masa hidhet ne tavat e dheut te cilat tashme jane mese te ngrohta . Hapi i fundit eshte pjekja ne furre derisa te marre nje ngjyre si te verdhe . Shoqerohet me vere te bardhe !